مشتاق الاسلام
پلوامہ//پولیس اور سیکورٹی فورسز نے شوپیان میں ایک مشترکہ آپریشن میں دو ملی ٹینٹ ساتھیوں کو گرفتار کیا۔ حکام نے بتایا کہ ملک چک کراسنگ پر 44 آر آر اور 14ویں بٹالین سی آر پی ایف کے ساتھ شوپیان پولیس کی مشترکہ ناکہ چیکنگ کے دوران دوملی ٹینٹ ساتھیوں کو حراست میں لیاگیا۔ان کی شناخت صہیب اقبال ملک ولد محمد اقبال ملک اور طفیل یوسف ملک ولد محمد یوسف ملک ساکنان بابا محلہ شوپیان کے طور پر ہوئی ۔انہوں نے بتایا کہ دونوں کو مجرمانہ مواد کے ساتھ پکڑا گیا ۔، انہوں نے مزید کہا کہ ایف آئی آر نمبر 14/2024 UA(P)A کی متعلقہ دفعات کے تحت تھانہ ہیرپورہ میں درج کیا گیا ہے اور تفتیش جاری ہے۔
