عظمیٰ ویب ڈیسک

جموں// الیکشن کمیشن کی ہدایات پر عمل کرتے ہوئے، جموں و کشمیر کا انتخابی محکمہ مرکز کے زیر انتظام علاقے میں آئندہ پارلیمانی انتخابات کیلئے 12,500 الیکشن ڈیوٹی گاڑیوں کیلئے GPS ٹریکنگ سسٹم خریدے گا۔
جموں و کشمیر کے چیف الیکٹورل آفیسر (سی ای او) پانڈورنگ کے پولے نے کمپنیوں کیلئے الیکشن ڈیوٹی گاڑیوں کیلئے GPS سے چلنے والے ٹریکنگ سسٹم کی خریداری کیلئے تجویز کی درخواست (RFP) جاری کی ہے۔
اُنہوں نے بتایا کہ ڈسٹرکٹ الیکٹورل آفیسرز (DEOs) اور سی ای او کے دفاتر میں GPS کنٹرول رومز قائم کیے جائیں گے تاکہ الیکٹرانک ووٹنگ مشینوں (ای وی ایم) اور ووٹر ویریفائی ایبل پیپر آڈٹ ٹریل (VVPAT) کی نقل و حرکت کرنے والی گاڑیوں کی ریئل ٹائم ٹریکنگ اور نگرانی کی جاسکے۔
سی ای او نے کہا کہ یہ قدم تمام ای وی ایم اور VVPATs کی پری پول اور پولنگ کے دنوں میں ہر وقت محتاط نگرانی کو یقینی بنانے کیلئے اٹھایا جا رہا ہے۔ اس کے مطابق، تمام پولنگ پارٹیوں اور سیکٹر افسران کی گاڑیوں میں GPS ٹریکنگ ڈیوائسز لگائی جائیں گی۔
پولے نے مزید کہا، “ای وی ایم اور وی وی پی اے ٹی کی نقل و حمل، سٹوریج اور سیکورٹی کے بارے میں الیکشن کمیشن آف انڈیا (ای سی آئی) کی ہدایات کے مطابق، ان کی ہینڈلنگ کو ہموار کرنا ضروری ہے، بشمول ریزرو ای وی ایم اور وی وی پی اے ٹی جو سیکٹر افسران کے ذریعہ ضرورت پر مبنی تبدیلی کیلئے استعمال کئے جاتے ہیں۔
انہوں نے کہا کہ جی پی ایس ٹریکر ڈیوائسز کے ساتھ تمام ضروری ہارڈ ویئر بھی الیکشن ڈیوٹی والی گاڑیوں میں لگائے جائیں گے۔ انہوں نے مزید کہا کہ گاڑیوں کی عارضی تعداد 12,500 ہوگی۔
اس کی سہولت کے لیے ڈی ای او اور سی ای او کی سطح پر جی پی ایس کنٹرول روم قائم کیے جائیں گے تاکہ وہیکل ٹریکنگ سسٹم اور دیگر متعلقہ انفراسٹرکچر اور ایپلی کیشنز کے ذریعے ای وی ایم اور وی وی پی اے ٹی کی نقل و حرکت پر نظر رکھی جا سکے۔
اُنہوں نے وضاحت کی،”یہ ایک عارضی تعداد ہے، جو انتخابات کے اعلان کے بعد شمار کی جانے والی اصل ضروریات کی بنیاد پر تبدیل ہو سکتا ہے۔ GPS ٹریکر ڈیوائسز کی تنصیب گاڑیوں کے اندر کی جائے گی”۔
انہوں نے مزید کہا کہ متعلقہ ڈی ای اوز کی طرف سے فراہم کردہ مخصوص مقامات پر گاڑیاں کھڑی کی جائیں گی۔