عظمیٰ ویب ڈیسک

جموں// جموں و کشمیر کے لیفٹیننٹ گورنر منوج سنہا نے اتوار کو کہا کہ گزشتہ چار سے پانچ سالوں میں کی گئی اصلاحات کے نتیجے میں جموں و کشمیر کی جی ڈی پی 19-2018 میں 1.6 لاکھ کروڑ روپے سے بڑھ کر 2021-22 میں 2.64 لاکھ کروڑ روپے تک پہنچ گئی ہے۔
اُنہوں نے کہا، “گزشتہ چار سے پانچ سالوں میں کی گئی اصلاحات کے نتیجے میں موثر ترقی ہوئی ہے۔ جموں و کشمیر اچھی حکمرانی، ترقی اور امن کی راہ پر گامزن ہے”۔
ایس سی کو ریزرویشن کے بارے میں ایک اور سوال پر، انہوں نے کہا کہ کچھ لوگ اس معاملے پر سیاست کرتے رہیں گے جس طرح انہوں نے بے زمینوں کو زمین فراہم کرنے کے معاملے پر کی تھی۔
اُنہوں نے مزید کہا، “انہیں اپنا کام جاری رکھنے دیں، ہم اپنا کام کریں گے”۔
ایل جی سنہا نے کہا کہ جموں و کشمیر بینک جو 1200 روپے کے خسارے کا ادارہ تھا اب 1300 کروڑ روپے کے منافع والے ادارے کے ساتھ پھل پھول رہا ہے۔ اُنہوں نے کہا، “اس سال، ہمیں امید ہے کہ جموں و کشمیر بینک کا منافع 1800 کروڑ روپے تک پہنچ جائے گا”۔
انہوں نے کہا کہ موجودہ انتظامیہ کو 28000 کروڑ روپے کے بھاری بجلی کے قرضوں کی دوبارہ ادائیگی وراثت میں ملی ہے۔
حال ہی میں جموں و کشمیر کیلئے پارلیمنٹ میں پیش کردہ اکاونٹ بجٹ پر حالیہ ووٹنگ کے بارے میں، ایل جی نے کہا کہ یو ٹی کی اقتصادی حالت پہلے کی نسبت بہت بہتر ہے۔انہوں نے کہا، “جموں و کشمیر انتظامیہ کی کوششیں سرمائے کے اخراجات میں اضافہ اور آمدنی کے اخراجات کو کم کرنے کی رہی ہیں”۔
ایل جی نے کہا کہ جموں و کشمیر کے محصولات کے اخراجات 80,000 کروڑ روپے ہیں کیونکہ ایک بڑا حصہ ملازمین کی تنخواہوں میں جاتا ہے جبکہ سرمائے کے اخراجات میں 11000 کروڑ روپے سے 38000 کروڑ روپے کا کوانٹم جمپ ریکارڈ کیا گیا ہے۔
سرینگر میں واقع یونائیٹڈ نیشنز ملٹری آبزرور گروپ آف انڈیا اینڈ پاکستان (UNMOGIP) کے دفتر کی منتقلی کے بارے میں ایک سوال پر اُنہوں نے کہا، “اس معاملے پر غور کیا جائے گا”۔
ایل جی سنہا نے یہ بات اس سوال کے جواب میں کہی کہ اب جب کہ جموں و کشمیر مکمل طور پر بھارتی یونین میں شامل ہو چکا ہے جبکہ دہشت گردی کے خلاف زیرو ٹالرنس ہے اور کشمیر بھر میں بھارتی پرچم بلند ہے۔
سرینگر کے علاقے سونوار میں اقوام متحدہ کا دفتر کام جاری رکھے ہوئے ہے۔ کیا اسی کو منتقل کرنے کا منصوبہ ہے۔ ایل جی نے کہا، “اب جب کہ سوال پوچھا گیا ہے، ہم اس معاملے کو دیکھیں گے…،”