عظمیٰ نیوز سروس
جموں //’غیر قانونی‘ بجلی کے کنکشن اور ناقص ادائیگیوں کے خلاف مہم میں جموں پاورڈسٹری بیوشن کارپوریشن لمیٹڈ (جے پی ڈی سی ایل) نے 1702 نادہندگان کی بجلی منقطع کر دی ۔حکام نے بتایا کہ ’’سب سے پہلے، بااثر صارفین سمیت 1702 صارفین کے کنکشن(صنعتوں، ہوٹلوں اور بااثر افراد) کا رابطہ منقطع کر دیا گیا تاکہ دیگر صارفین کو بھی ایک سخت پیغام دیا جاسکے ۔بجلی کے بلوں کی وجہ سے ان کی ذمہ داریاں اور بجلی کے بلوں کی ادائیگی کی عادت پیدا کریں۔جے پی ڈی سی ایل کے ترجمان نے کہا کہ کل 49,028 معائنہ کیا گیا ہے۔صارفین فوری طور پر زیر التواء واجبات کو ادا کریں تاکہ رابطہ منقطع ہونے سے بچا جا سکے۔انہوں نے کہ اکہ کریک ڈاؤن، بجلی کی چوری کو روکنے اور مالیاتی مسائل سے نمٹنے کے لئے جموں پاورڈسٹری بیوشن کارپوریشن لمیٹڈ کی جاری کوششوں کا حصہ ہے۔انہوں نے بتایا کہ حکام نے پایا ہے کہ صارفین کی جانب سے مسلسل بجلی چوری کرنے کیلئے متعدد طریقہ کار اختیار کئے جارہے ہیں جس کے بعد کارروائی عمل میں لائی گئی ہے ۔سرکاری بیان میں، جموں پاورڈسٹری بیوشن کارپوریشن لمیٹڈنے لوگوں کو ریلیف فراہم کرنے میں اپنے عزم کا اظہار کیا ہے ۔انہوں نے کہاکہ اس بات کو یقینی بناتے ہوئے کہ ان پر غلطی کرنے والے افراد کی کارروائیوں کا بوجھ نہ پڑے پاور ڈسٹری بیوشن کمپنی نے اس طرح کے طریقوں پر کریک ڈاؤن کرنے کی ضرورت سمجھی ہے ۔
