عظمیٰ ویب ڈیسک

نئی دہلی// سڑک ٹرانسپورٹ اور شاہراہوں کے مرکزی وزیر نتن گڈکری نے مرکز کے زیر انتظام علاقے لداخ کے 29 سڑک منصوبوں کیلئے 1170.16 کروڑ روپے مختص کرنے کو منظوری دی ہے، جس میں سٹیٹ ہائی وے، میجر اور دیگر ضلعی سڑکیں شامل ہیں۔
گڈکری نے جمعہ کو مزید کہا کہ مالی سال 2023-24 کے لیے سی آر آئی ایف سکیم کے تحت 8 پلوں کیلئے 181.71 کروڑ روپے مختص کیے گئے ہیں۔
مرکزی وزیر نے کہا کہ لداخ، رقبے کے لحاظ سے سب سے بڑا مرکزی علاقہ اور بھارت میں دوسرا سب سے کم آبادی والا علاقہ، منظور شدہ اقدامات کے ذریعے اپنے دور دراز دیہاتوں سے بہتر رابطے کا مشاہدہ کرے گا۔
وزیر نے کہا کہ مختص کی گئی رقم سے معاشی سرگرمیوں، خاص طور پر زراعت اور سیاحت میں، لداخ کی مجموعی بنیادی ڈھانچے کی ترقی میں تعاون کرنے کی امید ہے۔