عظمیٰ نیوز سروس
جموں//جموں وکشمیر کے ضلع ڈوڈہ میں جمعرات کی صبح زلزلے کے ہلکے جھٹکے محسوس کئے گئے۔ریکٹر اسکیل پر اس زلزلے کی شدت 3.9 ریکارڈ ہوئی ہے۔نیشنل سینٹر فار سیسمالوجی کے مطابق جموں وکشمیر کے ضلع ڈوڈہ میں جمعرات صبح نو بجکر 34 منٹ پر زلزلے کے جھٹکے محسوس کئے گئے۔انہوں نے کہا کہ ریکٹر اسکیل پر اس زلزلے کی شدت 3.9 ریکارڈ ہوئی ہے جبکہ زیر زمین اس کی گہرائی 76 کلو میٹر تھی۔تاہم زلزلے سے کسی قسم کے جانی یا مالی نقصان کی کوئی اطلاع نہیں ہے۔
