عظمیٰ نیوز سروس
ڈوڈہ// بھدرواہ میں واقع انڈین آرمی نے 19 ستمبر 2023 سے 26 اکتوبر 2023 تک پروجیکٹ سدھ بھاونا کے تحت گندوہ میں بیوٹیشن کورس کا انعقاد کیا۔آس پاس کے گاؤں کی کل 26 خواتین کو بیوٹیشن کورس کے لیے تربیت دی گئی ہے۔ اس کورس کا بنیادی مقصد ہنر کی ترقی اور روزگار کے مواقع پیدا کرنے کے ذریعے اس علاقے سے معاشرے کے معاشی طور پر پسماندہ طبقے کی خواتین کی ترقی اور انہیں بااختیار بنانا تھا۔یہ پروجیکٹ خواتین کو اپنی صلاحیتوں کو فروغ دینے اور مالی طور پر خود کفیل بننے میں مدد فراہم کرتا ہے۔ اس موقع پر خطاب کرتے ہوئے راشٹریہ رائفلز کے افسر نے کہا کہ یہ پروجیکٹ خواتین کی بے روزگاری کو کم کرنے اور خود روزگار پیدا کرنے میں بہت مددگار ثابت ہوگا اس طرح ہنر پیدا کرنے اور روزگار پیدا کرنے کے قومی اہداف کے حصول میں اہم کردار ادا کرے گا۔بیوٹیشن کورس انہیں باعزت متبادل ذریعہ معاش کمانے کا موقع فراہم کرے گا اور ان کی مالی ترقی میں مدد کرے گا۔ اس سے ان کے معیار زندگی کو بہتر بنانے اور مالی تحفظ اور فلاح و بہبود کا احساس پیدا کرنے میں بھی مدد ملے گی۔
