عظمیٰ نیوز سروس
سرینگر//محکمہ انکم ٹیکس نے پیر کو کشمیر میں متعدد کاروباری یونٹوں پر چھاپے مارے۔ رپورٹوں میں کہا گیا ہے کہ “انکم ٹیکس ڈیپارٹمنٹ دہلی نے لال منڈی سرینگر میں آرکو ٹیکسٹائل (DTA) داور ٹیکسٹائل ایجنسی پر چھاپہ مارا ۔ یہ سوپور کے رہائشی جمیل ایمن حال شاہ انور کالونی حیدر پورہ کے رہائشی کی ہے۔سدیپ ڈباس کی سربراہی میں ایک اور ٹیم نے عادل ماگرے کی ملکیت کشمیر’ گلاس انڈسٹری‘ اور نثار احمد کی ملکیت والی ماڈرن اسٹیل پر چھاپہ مارا۔ دونوں فیکٹریاں فیز 3 سڈکو کھنموہ میں واقع ہیں۔سوپور میں محکمہ انکم ٹیکس کے اہلکاروں نے آرکو بزنس گروپ کے جاوید احمد ایمن کے گھر پر چھاپہ مارا اور کئی گھنٹوں تک تلاشی لی۔
