عظمیٰ نیوز سروس
جموں//جموں و کشمیر کے ریاستی الیکشن کمیشن یونین ٹیریٹری نے منگل کو پنچایتی انتخابی فہرست 2023 کے دوسرے ضمیمہ کی تیاری کے شیڈول کو یکم جنوری 2023 کی اہلیت کے مطابق مطلع کیا ہے۔اس سلسلے میں جاری ایک عوامی نوٹس میں کہا گیا ہے کہ علاقے کے ووٹرز اس کے مطابق متعلق ای آر اوز کے پاس موجودہ پنچایتی انتخابی فہرست میں اضافے، حذف، تصحیح اور اندراجات سے متعلق دعوے اور اعتراضات 20ستمبر سے 29ستمبر تک جمع کر سکتے ہیں۔نوٹس میں کہا گیا ہے کہ الیکٹورل رجسٹریشن آفیسرز عوامی نوٹس کے ساتھ 20 ستمبربدھ کو حلقہ پنچایت میں نمایاں مقامات پر پنچایت انتخابی فہرست، 2023 آویزاں کریں گے۔
اس کے علاوہ پولنگ بوتھ کے مقامات پر 23 ستمبر ہفتہ اور24ستمبر اتوارکو خصوصی کیمپ لگائے جائیں گے۔ پنچایت الیکشن بوتھ آفیشلز یعنی اسمبلی BLOS کے ساتھ پولنگ بوتھ کے مقامات پر مطلوبہ فارم اور پنچایت رول، 2023 کے ساتھ ووٹرز کی رہنمائی کے لیے دستیاب رہیں گے۔دستاویز میں مزید کہا گیا ہے کہ ERO کے ذریعے دعووں اور اعتراضات کو نمٹانا 30 ستمبرہفتہ) سے 6 (اکتوبر جمعہ تک کیا جائے گا۔ دوبارہ، ضمیمہ کے ساتھ ووٹر لسٹ کی اشاعت 10اکتوبر منگل کو کی جائے گی۔
نوٹس میں کہا گیا ہے کہ پنچایت حلقہ کے انتخابی حلقوں کی فہرست پنچایتی راج ایکٹ 1989 اور الیکشن اتھارٹی کی طرف سے تجویز کردہ طریقہ کار اور جموں و کشمیر کی دفعات کے مطابق تیار کی جائے گی۔پنچایتی انتخابی فہرستوں کویکم جنوری 2023کے حوالے سے کوالیفائنگ تاریخ کے طور پر اپ ڈیٹ/نظرثانی کیا گیا ہے اور حتمی پنچایتی انتخابی فہرستیں 10فروری کو شائع کی گئی ہیں۔موجودہ پنچایتوں کی میعاد 9جنوری 2024 کو ختم ہو رہی ہے اور جموں و کشمیر پنچایتی راج ایکٹ 1989 کے سیکشن 42 کے مطابق حلقہ پنچایت کے انتخابات میعاد ختم ہونے سے ایک ماہ قبل کرائے جائیں گے۔
