یو این آئی
نئی دہلی// لوک سبھا کے اسپیکر اوم برلا نے نئی دہلی میں کے زیر اہتمام اور وزارت تجارت ، صنعت اور حکومت ہند کے اشتراک سے برآمدات میں عمدہ کارکردگی کے لیے ایوارڈز کی تقسیم کی تقریب میں معزز لوگوں سے خطاب کیا۔اس موقع پر اپنے خیالات کا اظہار کرتے ہوئے برلا نے برآمد کنندگان کی کوششوں کی تعریف کی اور کہا کہ انہوں نے عالمی برآمدی کے شعبے میں ہندوستان کی کامیابیوں میں بہت زیادہ تعاون کیا ہے۔ ایوارڈ جیتنے والوں کو مبارکباد پیش کرتے ہوئے برلا نے امید ظاہر کی کہ مختلف شعبوں میں بہترین کارکردگی کا مظاہرہ کرنے والے تمام افراد سخت محنت کرتے رہیں گے اور ملک کا سر فخر سے بلند کریں گے۔ لوک سبھا اسپیکر نے کہا کہ ان کی طرف سے کی جانے والی کوششوں سے معاشی ترقی ہوئی ہے اور پوری دنیا میں ہندوستانی برانڈز اور مینوفیکچرنگ کو تقویت ملی ہے۔ برلا نے یہ بھی کہا کہ ملک بھر میں MSMEs سے لے کر کلیدی صنعتوں تک کی جا رہی اجتماعی کوششوں نے برآمدی کے شعبے میں خاطرخواہ ترقی کی ہے۔دنیا میں ہندوستان کی برآمدات کے حوالے سے برلا نے کہا کہ اس وقت دنیا کے بیشتر ممالک مختلف شعبوں میں نئی اختراعات اور تحقیق کی بنیاد پر کاروبار کو بڑھانے کی کوششیں کر رہے ہیں۔
انہوں نے مشورہ دیا کہ ایسے وقت میں ہندوستان کو یہ یقینی بنانے کے لیے ہر ممکن کوشش کرنی چاہیے کہ ملک ٹیکنالوجی، تحقیق اور اختراع میں سرفہرست رہے۔ وزیر اعظم نریندر مودی کی دور اندیش قیادت کا ذکر کرتے ہوئے برلا نے کہا کہ وزیر اعظم کی قابل قیادت میں ہندوستان نے ہر میدان میں ترقی کی ہے۔حال ہی میں ختم ہونے والی G20 چوٹی کانفرنس کا حوالہ دیتے ہوئے لوک سبھا کے اسپیکر نے کہا کہ اس چوٹی کانفرنس کے دوران ہندوستان نے “واسودھائیو کٹمبکم” کی اقدار کی بنیاد پر پوری دنیا کو متحد کرنے کی کوشش کی۔ انہوں نے یہ بھی کہا کہ وزیر اعظم نریندر مودی کی قیادت میں ہندوستان دنیا کو درپیش ہر بڑے چیلنج کا حل فراہم کر رہا ہے۔یہ تبصرہ کرتے ہوئے کہ آج کا ہندوستان اتفاق رائے کی بنیاد پر دنیا کو درپیش مختلف موجودہ اور مستقبل کے چیلنجوں کا حل فراہم کرنے کی سمت میں کام کر رہا ہے، برلا نے کہا کہ یہ اس لیے ممکن ہوا ہے کہ ہندوستان نہ صرف اپنی خوشحالی پر توجہ مرکوز کر رہا ہے اور نہ صرف اپنی فلاح و بہبود کے لیے کام کر رہا ہے، بلکہ وہ پوری دنیا کی خوشحالی اور فلاح و بہبود کے لئے کام کر رہا ہے۔ہندوستان میں تیزی سے صنعتی اور تکنیکی ترقی کا ذکر کرتے ہوئے برلا نے کہا کہ زراعت سے لے کر خلا اور دفاع تک، ہر شعبے میں ہندوستان نے شاندار ترقی کی ہے۔ انہوں نے یہ بھی کہا کہ اقتصادی ترقی کے علاوہ ہندوستان دنیا کی سب سے بڑی جمہوریت ہے اور ہمارے لوگ اور ہمارا تنوع ہماری طاقت ہے۔
