مشتاق الاسلام
پلوامہ//ناظم زراعت کشمیر نے انفورسمنٹ سکارڈ کے ہمراہ زعفران کے بیچ کی بھاری کھیپ کو سرینگر سے بیرونی ریاست سمگل کرنے کی ایک کوشش کو ناکام بنادیا ۔اس سلسلے میں 3 کوئنٹل 26 کلو زعفرانی پیچ کو ضبط کرلیا گیا جبکہ اس حوالے سے قانون کے تحت کاروائی کاروائی شروع کردی گئی ۔اطلاعات کے مطابق ہفتہ قبل محکمہ زراعت نے کشمیری زعفران بیچ کی بیرونی ریاست فروخت پر پابندی عائد کرنے کے احکامات جاری کردئے جبکہ اس سلسلے میں محکمہ زراعت نے خصوصی سکارڈ بھی تشکیل دیئے۔
اس دوران منگلوار کو ناظم زراعت چودھری محمد اقبال نے کشمیری زعفران کے بیج کی بیرونی ریاست سمگلنگ کی مصدقہ اطلاع ملنے پر کارگو ائیرپورٹ سرینگر کے نزدیک ایک چھاپہ مار کاروائی کے دوران زعفرانی بیچ کی بیرونی ریاست سمگلنگ کی کوشش کو ناکام بنادیا ہے۔ڈائریکٹوریٹ انفورسمنٹ کے ایک عہدار نے بتایا کہ کاروائی کے دوران 3 کوئنٹل 26 کلو کشمیری زعفران کے بیچ کو ضبط کرلیا گیا۔ناظم زراعت کے ہمراہ لاانفورسمنٹ افسر بڈگام شاہنواز لون نے بات کرتے ہوئے بتایا کہ اس حوالے سے محمد اقبال بٹ جوکہ انت ناگ کا رہنے والا ہے، کے خلاف سیکشن 14 سیڈ ایکٹ 1966 کے تحت کاروائی شروع کی گئی اور مزید تحقیقات شروع کردی گئی ۔قابل ذکر ہے کہ کشمیری زعفران کا بیچ باہر کی ریاستوں میں فی کوئنٹل 50 ہزار روپے فروخت کیا جارہا ہے۔دریں اثنا زعفران گرورس ایسوسی ایشن کے فاروق احمد ڈار نے ناظم زراعت کی اس بروقت کاروائی کو سراہا ہے۔
