عظمیٰ نیوز سروس
سرینگر// یہاں کی ایک مقامی عدالت نے منگل کو گجرات کے مبینہ مجرم کرن پٹیل کو ضمانت دے دی جسے اس سال مارچ میں وزیر اعظم کے دفتر (پی ایم او) میں ایک اعلی اہلکار کے طور پر ظاہر کرنے کے الزام میں گرفتار کیا گیا تھا۔ان کے وکیل انیل رینہ نے بتایا کہ چیف جوڈیشل مجسٹریٹ سرینگر کی عدالت نے یہاں سنٹرل جیل میں بند پٹیل کو ضمانت دے دی۔انہوں نے کہا کہ عدالت نے پٹیل کو ایک لاکھ روپے کے ذاتی مچلکے اور اتنی ہی رقم کے دو مقامی ضمانتوں پر ضمانت دی۔عدالت میں رینہ کے علاوہ پٹیل کی نمائندگی محمد عبداللہ پنڈت اور کیف عالم نے کی۔پٹیل اس وقت سرخیوں میں آئے جب انہیں مارچ میں پی ایم او میں ایک اعلی عہدیدار کا روپ دھارنے کے لیے گرفتار کیا گیا تھا، اس کے بعد ویڈیو وائرل ہونے کے بعد جب انہیں سیکورٹی کے احاطہ میں گھومتے ہوئے دکھایا گیا تھا۔پٹیل کو جے کے پولیس نے سرینگر کے ایک فائیو اسٹار ہوٹل سے مبینہ طور پر مرکزی حکومت میں بطور “ایڈیشنل سیکرٹری” ظاہر کرنے کے الزام میں گرفتار کیا تھا۔ انہوں نے وادی میں اپنے قیام کے دوران دیگر مہمان نوازی کے علاوہ سیکورٹی کور کا لطف اٹھایا۔وہ کشمیر کے اپنے تیسرے دورے پر تھے جب انہیں سیکورٹی اہلکاروں نے 3 مارچ کو گرفتار کر لیا۔پٹیل نے دعوی کیا تھا کہ انہیں حکومت کی طرف سے جنوبی کشمیر میں سیب کے باغات کے خریداروں کی نشاندہی کرنے کا مینڈیٹ دیا گیا ہے۔
