سرینگر// اپنی پارٹی سربراہ سید الطاف بخاری نے وقف بورڈ کے حالیہ اعلان پر تنقید کرتے ہوئے کہ بورڈ کشمیر میں ڈگری حاصل کرنے والے اماموں، مبلغین اور موذنوں کی بھرتی شروع کرنے کی تیاری کر رہا ہے۔انہوں نے کہا کہ ”اگر اماموں اور مبلغین کی بھرتی ،قابلیت اور ڈگریوں کی بنیاد پر ہونی چاہیے، تو پہلے وقف بورڈ چیئرپرسن کی اہلیت کا اندازہ لگانا چاہیے”۔ بخاری نے وزیر اعظم، وزیر داخلہ، اور منوج سنہا سے سوال کیا: “اگر کوئی شخص رام مندر جیسی جگہیں پر اعزازی پجاریوں کی تقرری کا مشورہ دیتا ہے تو آپ کیا ردعمل ظاہر کریں گے۔انہوں نے زور دے کر کہا، “اس طرح کے اقدامات مذہبی معاملات میں براہ راست مداخلت کے مترادف ہیں اور یہ قطعی طور پر ناقابل قبول ہیں۔انہوں نے کہا کہ ایسی حرکتوں سے ہمارے دلوں کو تکلیف دینے کی کوشش نہ کریں، اور ہمارے مذہبی جذبات سے کھیلنے کی کوشش نہ کریں۔”انہوں نے عوام پر زور دیا کہ وہ متحد رہیں جب ان کے بنیادی اور مذہبی حقوق کے تحفظ کی بات کی جائے جس کی آئین میں ضمانت دی گئی ہے۔
انہوں نے کہا کہ مجھے ان سیاستدانوں پر افسوس ہے جو اس حد تک منقسم ہیں کہ وہ مذہبی معاملات پر بھی متحد نہیں ہو سکتے تاہم میں عوام سے درخواست کرتا ہوں کہ وہ اپنے آئینی حقوق کے تحفظ کے لیے متحد رہیں اور کسی کو مذہبی معاملات میں حد سے بڑھ کر مداخلت کی اجازت نہ دیں، جس طرح وقف بورڈ اہلیت اور ڈگریوں کی بنیاد پر اماموں اور موذین کی بھرتی کرنے کی کوشش کر رہا ہے۔ بخاری نے چرار شریف کے تلسرہ گائوںمیں ایک عوامی جلسے سے خطاب کرتے ہوئے ایک بار پھر جیل میں بند مذہبی رہنماں کی رہائی کے اپنے مطالبے کا اعادہ کیا اور کہا کہ میں بار بار حکام سے درخواست کرتا ہوں کہ وادی کے ممتاز مذہبی رہنماں میرواعظ عمر فاروق، مولانا منظور،مولانا عبدالرشید داوودی، مولانا مشتاق احمد ویری کو رہا کیا جائے۔ ان مذہبی رہنمائوں کے وادی میں بہت زیادہ پیروکار ہے، اور ان کا لوگوں پر غیر معمولی اثر و رسوخ ہے، اس طرح، وہ وادی میں منشیات کے استعمال کو ختم کرنے میں مدد کرنے میں اہم کردار ادا کر سکتے ہیں۔انہوں نے کہا کہمیں یہ واضح کر دوں کہ سیاست دان معاشرے میں منشیات کے استعمال کو ختم کرنے میں مدد کرنے سے قاصر ہیں، تاہم، ہمارے مذہبی رہنماں کے عوام پر وسیع اثر و رسوخ کو دیکھتے ہوئے، اگر وہ جیلوں سے آزاد ہو جائیں تو سماجی برائیوں کو ختم کرنے میں مدد کرنے میں، بشمول منشیات کا استعمال میں، ایک اہم کردار ادا کر سکیں گے۔ انہوں نے مزید کہاکہ جموں و کشمیر کی موجودہ سیاسی صورتحال پر بات کرتے ہوئے سید محمد الطاف بخاری نے لوگوں پر زور دیا کہ وہ اپنی پارٹی کو مزید مضبوط کرنے کے لیے اس کے ساتھ ہاتھ ملا لیں تاکہ پارٹی اپنا کردار مزید مضبوط طریقے سے ادا کر سکے۔ بخاری نے کہا، “میں اس حقیقت کی تصدیق کرتے ہوئے کبھی بھی الفاظ کو کم نہیں کرتا کہ جموں و کشمیر کا ہندوستان کا حصہ ہونا مقدر ہے، اور یہ ایسا ہی رہے گا۔ زخموں کے باوجود ہم نے نئی دہلی کو برداشت کیا ہے، مجھے یقین ہے کہ ہم اپنے تمام مسائل کا حل دہلی میں تلاش کریں گے، کہیں اور نہیں۔
