ریچھ کے حملے میں شہری زخمی، ہسپتال منتقل

سری نگر// وسطی کشمیر کے سری نگر ضلع کے زاوورہ زیون علاقے میں بدھ کو ریچھ کے حملے میں ایک شخص زخمی ہو گیا۔
ذرائع نے بتایا کہ محمد سبحان لون نامی ایک شخص پر آج دوپہر جنگلی ریچھ نے حملہ کیا جس سے وہ شدید طور پر زخمی ہو گیا۔
ان کا کہنا تھا کہ زخمی کو علاج کے لیے قریبی ہسپتال منتقل کر دیا گیا ہے۔
عہدیدار نے بتایا کہ ریچھ کو پکڑنے کے لیے مکمل جنگلی حیات کی ایک ٹیم کو موقع پر بھیج دیا گیا ہے۔