عظمیٰ نیوز سروس
سرینگر// قومی شاہراہ پر امرناتھ یاترا کے پیش نظر ٹریفک کی پریشانی سے پاک نقل و حرکت کو یقینی بنانے کے لیے جموں سے تمام ٹینکروں اور خالی گاڑیوں کو صرف مغل روڈ سے جانے کی اجازت ہوگی۔ڈویژنل کمشنرکشمیروی کے بدھوری کے ایک حکم کے مطابق پھلوں سے لدے ٹرکوں اور دیگر گاڑیوں کی نقل و حرکت میں رکاوٹ پیدا ہو رہی ہے اور اسے ترجیح دینے کی ضرورت ہے۔
آئندہ امرناتھ یاترا 2023 کے پیش نظر اور شاہراہ کی حالت کو مدنظر رکھتے ہوئے، اس کے علاوہ، بے ترتیب موسم جس کی وجہ سے بار بار لینڈ سلائیڈنگ اور پتھرگر رہے ہیں، پھلوں سے لدے ٹرکوں اور دیگر گاڑیوں کی طرف سے نقل و حرکت میں رکاوٹ ڈالی جا رہی ہے اور اسے ترجیح دینے کی ضرورت ہے” ۔اس کے مطابق’’ ڈیزل، ایل پی جی گیس کے تمام ٹینکرز، تمام خالی ایل پی جی سلنڈر ،جو ٹرک لے جاتے ہیں، ایف سی آئی کی تمام خالی گاڑیاں اور کوئی بھی دوسری گاڑی، جس میں 10 ٹائر تک کی گاڑیاں جموں واپس آتے وقت صرف مغل روڈ استعمال کریں گی”۔اس لئے صورتحال کو مدنظر رکھتے ہوئے، آپ کو ہدایت کی جاتی ہے کہ متعلقہ افراد کو فوری طور پر عمل کریں۔ مغل روڈ صبح 6.00 بجے سے شام 6.00 بجے تک گاڑیوں کی آمدورفت کے لیے کھلی رہے گی۔اس کی کسی بھی خلاف ورزی پر ٹریفک پولیس کی جانب سے تعزیری کارروائی کی جا سکتی ہے۔
