پاکستانی کشمیر ہندوستان کا اٹوٹ حصہ تھا، ہے او رہے گا: راجناتھ سنگھ
عظمیٰ نیوز سروس
جموں//مرکزی وزیر دفاع راج ناتھ سنگھ نے پیر کو کہا کہ آرمڈ فورسڈ اسپیشل پاور ایکٹ (AFSPA) جموں و کشمیر سے بھی جائے گا لیکن تب ہی جب مستقل امن بحال ہوگا۔سنگھ یہاں جموں یونیورسٹی میں بی جے پی کی طرف سے منعقدہ سیکورٹی کنکلیو سے خطاب کر رہے تھے۔سنگھ نے کہا، “افسپا کو شمال مشرق کے بڑے حصوں سے ہٹا دیا گیا تھا اور جب بھی “مستقل امن” بحال ہوگا جموں و کشمیر سے بھی اسے واپس لے لیا جائے گا،” ۔سنگھ نے تاہم کہا کہ اس کے لیے کوئی مقررہ وقت نہیں ہے۔انہوں نے کہا کہ پاکستانی زیر انتظام کشمیرہندوستان کا اٹوٹ حصہ تھا، ہے اور رہے گا۔انہوں نے مزید کہا کہ جموں و کشمیر کے لوگوں کو آرٹیکل 370 اور 35 اے کی منسوخی کے بعد انصاف فراہم کیا گیا جس سے وہ کئی دہائیوں تک محروم رہے۔راج ناتھ سنگھ کا کہنا ہے کہ جموں و کشمیر میں جلد ہی اسمبلی انتخابات کا انعقاد عمل میں لا کر لوگوں کی خواہشات کو پورا کیا جائے گا۔انہوں نے کہاکہ دفعہ 370کی منسوخی کے بعد وادی کشمیر میں حالات معمول پر آئے ہیں۔
جموں وکشمیر میں اسمبلی چناو کرانے کے بارے میں پوچھے گئے سوال کے جواب میں وزیر دفاع نے کہاکہ یوٹی میں اسمبلی انتخابات عمل میں لا کر لوگوں کی خواہشات کو ضرور پورا کیا جائے گا۔راج ناتھ سنگھ نے کہا کہ مودی کی قیادت میں دہشت گردی کے خلاف موثر کارروائی کی گئی۔ سنگھ نے پیر کو کہا کہ ہندوستان زیادہ طاقتور ہوتا جا رہا ہے اور اگر ضرورت پڑی تو وہ سرحد کے اس طرف اور اس پار جا کر بھی حملہ کر سکتا ہے۔انہوں نے زور دے کر کہا کہ ملک نے مودی حکومت کے تحت دہشت گردی کے خلاف بڑی کارروائی کی ہے اور 2016 میں سرحد پار کی گئی سرجیکل اسٹرائیک اور 2019 میں بالاکوٹ ایئر اسٹرائیک کا حوالہ دیا۔ جیسا بھارت نہیں رہا بھارت طاقتور بنتا جا رہا ہے۔ ضروت پڑی سے بھارت سیما کے اس پر بھی مار سکتا ہے اور زروت پڑی تو اس پر بھی جا سکتا ہے (بھارت پہلے جیسا نہیں رہا، زیادہ طاقتور ہوتا جا رہا ہے، ضرورت پڑنے پر بھارت اس طرف مار سکتا ہے، سرحد اور سرحد کے اس پار بھی جا سکتے ہیں)۔انہوں نے کہا کہ وزیر اعظم کی قیادت میں ہماری حکومت نے دہشت گردی کے خلاف موثر کارروائی شروع کی اور پہلی بار نہ صرف ملک بلکہ دنیا کو معلوم ہوا کہ دہشت گردی کے خلاف زیرو ٹالرنس کا کیا مطلب ہے۔ انہوں نے یہ بھی کہا کہ وزیراعظم مودی نے سرجیکل اسٹرائیک کا فیصلہ کرنے میں صرف 10 منٹ کا وقت لیا۔”پلوامہ اور اوڑی دونوں ہی بدقسمتی کے واقعات تھے ۔ہماری افواج نے نہ صرف اس طرف دہشت گردوں کو بے اثر کیا بلکہ انہیں ختم کرنے کے لیے سرحد پار بھی گئے۔وزیر دفاع نے کہا کہ جموں و کشمیر طویل عرصے سے دہشت گردی کا شکار ہے۔ انہوں نے کہا کہ یہاں کے لوگ جانتے ہیں کہ دہشت گردی کا زہر معاشرے کو کیسے کھوکھلا کرتا ہے۔سنگھ نے کہا کہ یہ کہنا مبالغہ آرائی نہیں ہو گا کہ مودی کی قیادت والی حکومت نے ملک میں انقلابی اصلاحات کی مضبوط بنیاد رکھی ہے، جو اس حکومت کی سب سے بڑی کامیابی ہے۔ انہوں نے کہا کہ دنیا اب توجہ سے سن رہی ہے جب ہندوستان بولتا ہے، جو پہلے ایسا نہیں تھا۔
