عارف بلوچ
اننت ناگ// ایک اہم پیش رفت میں، پولیس نے دعویٰ کیا ہے کہ 18 روزقبل اننت ناگ جنگلات منڈی میں اودھم پور کے مزدور دیپک کمار کے قتل میں مبینہ طور پر ملوث جیش کے پانچ کارندوں کو گرفتار کیا گیا ۔ڈی آئی جی جنوبی کشمیر رئیس محمد بٹ نے ایک پریس کانفرنس سے خطاب کرتے ہوئے کہا کہ 29 مئی کی شام 9 بج کر 14 منٹ پر نامعلوم بندوق بردار جی ایم سی کے قریب تفریحی پارک تک اسکوٹی پر سوار ہوئے اور اپنے غیر قانونی طور پر خریدے گئے ہتھیاروں اور گولہ بارود کی مدد سے تھیال پنچایت دیوٹ بلاس پور ادھم پور کے دیپک کمار عرف دیپو نامی مزدور پر گولی چلائی جس سے وہ شدید زخمی ہو گیا۔ دیپو کو تفریحی پارک کے مزدوروں نے اسپتال منتقل کیا جہاں ڈاکٹروں نے اسے مردہ قرار دیا۔ واقعے کے بعد حملہ آور موقع سے فرار ہوگئے۔ انہوں نے کہا، پولیس نے سیکشن 7/27 I.A ایکٹ، 302 IPC 16,18,20,39 ULAP ایکٹ کے تحت مقدمہ ( 171/2023) درج کیا اور تحقیقات کا آغاز کیا۔انہوں نے کہا، 30 مئی کو ایک خصوصی تحقیقاتی ٹیم (SIT) تشکیل دی گئی، اور ملوث ملزمان کو پکڑنے کے لیے تمام ممکنہ تکنیکی، انسانی اور سائنسی ثبوت اکٹھے کئے گئے۔
اس دوران دیوا کالونی سے دو افراد لاپتہ ہوگئے جن میں شیر پورہ دیوا کالونی کے سحران بشیر نداف اور شیر پورہ نیو کالونی کے عبید نذیر لائیگرو شامل ہیں۔ جی ایم سی اننت ناگ کے قریب دیوا کالونی سے ان دو افراد کے لاپتہ ہونے پر بھی تفتیشی ٹیم نے غور کیا اور تکنیکی اور انسانی ڈیٹا کا تجزیہ کیا جس کی وجہ سے واقعات کی ترتیب کو دوبارہ تشکیل دیا گیا۔ پولیس نے 6 جون کو تقریباً ساڑھے دس بجے رات سمتھن-تلہ خن کراسنگ پر ناکہ چیکنگ کے دوران دو مشتبہ افراد کو گرفتار کیا۔ ان کے انکشاف سے کیس میں اہم پیش رفت ہوئی اور اس جرم میں ملوث ملزمان کی شناخت ہو گئی۔ انہوں نے کہا کہ سائنسی اور تکنیکی اعداد و شمار کے تجزیے کے ساتھ ان کے انکشاف کے نتیجے میں اسلحہ گولہ بارود اور اسکوٹی زیر نمبر (JK03M-0442) کی برآمدگی ہوئی جو “حملے میں استعمال ہوئی” تھی۔ایگزیکٹیو مجسٹریٹ کی موجودگی میں مجرمانہ مواد برآمدکر کے ضبط کیا گیا اور JeM/KFF تنظیم سے وابستہ دو اہم ملزمین کو گرفتار کیا گیا، جو اس جرم میں ملوث تھے۔انہوں نے کہا کہ کیس کی مزید تفتیش سے مزید ملزمان کی شناخت ہوئی جنہوں نے شریک ملزمان کے ساتھ “لاجسٹک سپورٹ فراہم کی اور مجرمانہ سازش رچی”۔انہوں نے کہا، تین اور ملزمان کو گرفتار کیا گیا تھا۔یہاں یہ بات قابل ذکر ہے کہ ملزمین، خالد کامران نامی ہینڈلر سے رابطے میں تھے اور اس کے حکم پر یہ واقعہ انجام دیا گیا تھا۔انہوں نے کہا کہ گرفتاریوں اور ان سے برآمدات کے ساتھ، پولیس نے قتل کا معاملہ حل کرنے کے ساتھ ساتھ بڑے حملوں کو روکنے میں بھی کامیابی حاصل کی جو ان ملزمان کو “سرحد پار ان کے ہینڈلر کے ذریعے انجام دینے کا کام سونپا گیا تھا۔انہوں نے کہا کہ مزید تفتیش جاری ہے اور مزید انکشافات کی توقع ہے۔گرفتار ملزمان کی شناخت سحران بشیر نداف، عبید نذیر لائیگرو ساکنان اننت ناگ، عمر امین ٹھوکر ساکن واگہامہ، حذیف شبیر بٹ ساکن وچی شوپیان اور ناصر فاروق شاہ ساکن وانٹنگ محلہ بجبہاڑہ کے طور پر کی گئی ہے۔ ایک اے کے 47، اس کا ایک میگزین اور 40 رائونڈز کے علاوہ دو پستول، اتنے ہی میگزین، سات رائونڈز، اتنے ہی خالی کارتوس، تین دستی بم، سات موبائل فون اور اسکوٹی کی برآمدکی گئی۔
مزد
