یو این آئی
سرینگر// ایئر پورٹ اتھارٹی آف انڈیا نے ہفتے کے روز سرینگر ہوائی اڈے پر مسافروں کی سہولیت کے لئے مفت ای کارٹ سروس متعارف کی۔ڈائریکٹر سرینگر ائیر پورٹ جاوید انجم نے اس موقع پر میڈیا کو بتایا کہ گیٹ پر بھیڑ رہنے کی وجہ سے چیلنجز رہتے ہیں اور اسی کو حل کرنے کے لئے ای رکشا سروس متعارف کی گئی۔
انہوں نے کہا کہ یہ سہولیت مفت دستیاب ہے اور یہ ایکو فرنڈلی بھی ہے۔ان کا کہنا تھا کہ فی الحال ہم نے 4 گاڑیوں کو چالو کیا ہے اور ضرورت پڑنے پر ان میں اضافہ کیا جائے گا۔انہوں نے کہا کہ ان کو ٹرائل بنیادوں پر شروع کیا گیا ہے اور 16 تاریخ سے ان کو باقاعدہ شروع کیا جائے گا۔ مسافروں نے اس سہولیت پر خوشی کا اظہار کیا اور اس اقدام کی سراہنا کی۔ایک مسافر نے کہا کہ اس سہولیت سے مسافروں کو کافی آسانی ہوگی۔انہوں نے کہا کہ اس سے ہمارا وقت بھی بچ جائے گا اور دیگر دوسری پریشانیوں سے بھی نجات ملے گی۔ان کا کہنا تھا کہ ان گاڑیوں کی تعداد میں اضافہ کیا جانا چاہئے۔
