مکانات کی فراہمی میں جموں کشمیر سب سے آگے :لیفٹیننٹ گورنر

 نیوز ڈیسک

سرینگر//دیہی ترقی کی مرکزی وزارت نے سال 2023-24 کے دوران آواس پلس کی مستقل انتظار کی فہرست کو پورا کرنے کے لیے جموں کشمیر کو پردھان منتری آواس یوجنا(گرامین) کے تحت اضافی 1,99,550 مکانات الاٹ کیے ہیں۔ نئے ہدف بنائے گئے مکانات کو 30 جون 2023 تک محکمہ دیہی ترقی کی منظوری دی جائے گی۔ فلیگ شپ اسکیم کے تحت جموںو کشمیر کے لیے بڑے پیمانے پر مختص کی گئی رقم بھی ہندوستان کے تمام UTs میں سب سے زیادہ ہے۔لیفٹیننٹ گورنر منوج سنہا نے مرکزی زیر انتظام جموں و کشمیر کو اولین ترجیح دینے اور لاکھوں خاندانوں کے خوابوں کو پورا کرنے کے لیے وزیر اعظم نریندر مودی اور دیہی ترقی کے مرکزی وزیر گری راج سنگھ کا شکریہ ادا کیا ہے۔

ایک ٹویٹ میں، لیفٹیننٹ گورنر نے کہا: “پی ایم نریندر مودی اور مرکزی وزیر گری راج سنگھ کا پی ایم جی گرامین کے حق میں اضافی 1,99,550 مکانات کا ہدف الاٹ کرنے کے لیے بے حد مشکور ہوں، جو سب کے لیے ہائوسنگ کے مقصد کو حاصل کرنے کی طرف ایک اہم قدم ہوگا۔لیفٹیننٹ گورنر نے مزید کہا کہ حکومت پسماندہ افراد کی فلاح و بہبود اور غریب خاندانوں کے اپنے مکانات کے خوابوں کو پورا کرنے کے لیے پرعزم ہے۔ لیفٹیننٹ گورنر نے کہا کہ پی ایم جی گرامین کے تحت بڑے پیمانے پر مختص دیہی جموں و کشمیر کی تیز رفتار ترقی کو یقینی بنائے گی۔”مجموعی طور پر اسکیم 3.85 لاکھ کا احاطہ کرتی ہے ۔ پروگرام کے آغاز سے لے کر، یعنی ‘سب کے لیے مکان’، مرکزی زیر انتظام حکومت نے زمرہ جات کے تحت 1.98 لاکھ مکانات منظور کیے ہیں اور آج تک 1.34 لاکھ مکانات مکمل ہو چکے ہیں۔