سیاحوں کی آمد میں 4گنا اضافہ ہوگا:نتن گڈکری
بلال فرقانی+محمد تسکین
سرینگر+بانہال// مرکزی وزیر نتن گڈکری نے کہا ہے کہ دہلی -جموں-سرینگرشاہراہ کی تکمیل کے بعد کشمیر میں سیاحوں کی آمد میں چار گنا اضافہ ہو گا۔ سڑک اور شاہراہوںکے وزیر نے منگل کو 924 میٹر لمبی بانہال-قاضی گنڈ سرنگ اور یونین کے زیر انتظام علاقے میں سڑک کے مختلف پروجیکٹس کا معائنہ کیا، جو رام بن ضلع میں تقریباً تین کلومیٹر کے لینڈ سلائیڈنگ اور حادثے کے شکار علاقے کو نظرانداز کرے گی۔سرنگ کی تکمیل سے مسافروں کو رام بن ضلع میں تقریباً تین کلومیٹر کے لینڈ سلائیڈنگ اور حادثے کے شکار علاقے کو نظرانداز کرتے ہوئے کافی راحت ملے گی۔
لیفٹیننٹ گورنر منوج سنہا اور مرکزی وزراء جتیندر سنگھ اور جنرل وی کے سنگھ کے ساتھ، گڈکری نے ورچوئل موڈ کے ذریعے سیتا رام پسی ماروگ کا بریک تھرو بھی کیا۔گڈکری نے سرنگ کے معائنہ کے بعد نامہ نگاروں کو بتایا”اگلے دو سالوں میں اس سڑک کے مکمل ہونے کے بعد، سیاحوں کی آمد (جموں و کشمیر میں) 4 گنا سے زیادہ بڑھ جائے گی۔ اس سے مرکز کے زیر انتظام علاقے میں ریزورٹس اور ریستوران کی تعداد 9 گنا اضافہ ہو جائے گا)” ۔ وزیر نے یقین ظاہر کیا کہ سڑکوں کے پراجیکٹس کی تکمیل کے بعد بڑی ترقی ہوگی، لوگوں کو روزگار ملے گا اور مرکز کے زیر انتظام علاقے سے غربت کا خاتمہ ہوگا۔انہوں نے کہا کہ لائف لائن (ہائی وے) سے جموں و کشمیر کو سماجی و اقتصادی فوائد حاصل ہوں گے۔ “جموں اور کشمیر میں، ہم 1.25 لاکھ کروڑ روپے کی لاگت سے سڑک کے منصوبے بنا رہے ہیں۔ 25,000-30,000 کروڑ روپے کے روپ ویز اور کیبل کاروں کی 20 سے 22 تجاویز ہیں، جو ہم کر رہے ہیں۔ اس سے جموں و کشمیر کی سیاحت میں 4 گنا اضافہ ہوگا اور جموں و کشمیر خود کفیل اور خوشحال ہو گا۔شاہراہوں پر کام کا ذکر کرتے ہوئے، انہوں نے کہا کہ جموں اور سرینگر کے درمیان تین سرنگیں بنائی جائیں گی۔ 45 کلومیٹر لمبی پانچ سرنگوں میں سے ایک کا آج افتتاح کر دیا گیا ہے۔ باقی تین سرنگیں اگلے سال تک کھول دی جائیں گی۔ ٹاٹا کو دی گئی ایک ٹنل کو مکمل ہونے میں کچھ وقت لگے گا۔‘‘ ایکسپریس ہائی وے کا ذکر کرتے ہوئے انہوں نے کہا کہ ٹاٹا کو ایک سرنگ کا منصوبہ دیا گیا ہے۔انہوں نے کہا”اس میں کچھ وقت لگے گا،تکمیل کے بعد فاصلہ تین گھنٹے تک محدود ہو جائے گا، کٹرہ سے دہلی کا سیدھا سفر ہوگا۔ دہلی سے سری نگر کا سفر 8 گھنٹے اور دہلی سے کٹرہ تک کا سفر 6 گھنٹے کا ہوگا۔ دہلی سے ممبئی تک، سفر کا وقت 12 گھنٹے ہوگا، “وزیر نے روزگار کے لیے مقامی لوگوں کے مطالبات کا جواب دیتے ہوئے کہا، “ہم ایک ریزورٹ بنا رہے ہیں، جہاں ہم مقامی لوگوں کی ہینڈ لوم اور دستکاری کی مصنوعات کو نمائش کے لیے رکھ سکتے ہیں۔ اس سے 500 سے 600 لوگوں کو روزگار ملے گا۔انہوں نے یہ بھی کہا کہ ٹنل کا 99 فیصد عملہ مقامی طور پر کام کر چکا ہے۔” ہم کوشش کرتے رہیں گے کہ مقامی نوجوانوں کو دیگر سرنگوں میں بھی ملازمتیں ملیں، اور جموں و کشمیر معاشی ترقی کے لحاظ سے خود انحصار بن جائے۔ گڈکری نے یہ بھی کہا کہ وہ ہمیشہ سابق امریکی صدر کے تبصرے کا ذکر کرتے ہیں – “امریکہ امیر ہے کیونکہ امریکی سڑکیں اچھی ہیں”۔گڈکری نے شاہراہوں، بانہال بائی پاس اور پیرڈا-چندر کوٹ ٹنل کا معائنہ کیا۔ انہوں نے کہا کہ ہر سرنگ وقت بچاتی ہے، آج یہ سرنگ مکمل ہو گئی،ایک اور سرنگ جلد مکمل ہو جائے گی، دو ماہ کے اندر اسے بھی شروع کر دیا جائے گا،‘‘۔ انہوں نے کہاکہ یہ سرنگ 270 کلومیٹر طویل جموں-سری نگر قومی شاہراہ کی جاری چار لیننگ کا حصہ ہے ،جو کشمیر کو ملک کے باقی حصوں سے جوڑنے والی واحد ہمہ موسمی سڑک ہے۔ چار لین کے منصوبے پر کام 2011 میں شروع ہوا تھا اور اس میں متعدد چھوٹی اور بڑی سرنگیں، پل اور فلائی اوور شامل ہیں۔ پچھلی دہائی کے دوران کئی ڈیڈ لائنوں سے محروم رہنے کے بعد یہ منصوبہ اگلے سال تک مکمل ہونے کا امکان ہے۔ کنفر ٹنل کی دوسری ٹیوب (T2) کے بارے میں پوچھے جانے پر، انہوں نے کہا کہ یہ دو ماہ میں تیار ہو جائے گی۔گڈکری نے کہا کہ ان منصوبوں کی تکمیل سے نہ صرف ہائی وے پر ٹریفک جام کے مسئلے کو کافی حد تک حل کرنے میں مدد ملے گی بلکہ مختلف پوائنٹس کے درمیان فاصلہ بھی کئی کلومیٹر تک کم ہو جائے گا۔ جموں اور سری نگر کے درمیان سفر کو آسان بنانے کے لیے 35000 کروڑ روپے کی لاگت سے 3 کوریڈور بنائے جا رہے ہیں۔ اس کے تحت، پہلا کوریڈور جموں سے ادھم پور-رام بن-بانہال اور آگے سری نگر تک…،’’ ۔250 کلومیٹر لمبائی کی یہ 4 لین سڑک 16,000 کروڑ روپے کی لاگت سے بنائی جا رہی ہے۔ انہوں نے کہا کہ اس میں سے 210 کلومیٹر کے راستے کی 4 لیننگ مکمل ہو چکی ہے، جس میں 21.5 کلومیٹر کی 10 سرنگیں بھی شامل ہیں۔ وزیر نے یہ بھی کہا کہ حکومت کٹرا میں عالمی معیار کا ایک ملٹی ماڈل ہب تعمیر کر رہی ہے۔ “یہ دنیا کے لیے ایک کشش ہوگی۔ اسے ایک خوبصورت ڈیزائن ملا ہے۔ ہم بھی وہاں جا رہے ہیں،‘‘ ۔
