موٹر وہیکل محکمہ کی جموں میں بڑی کاروائی

جموں//موٹر وہیکل ڈپارٹمنٹ کی ایک ٹیم، جس کی سربراہی آر ٹی او جموں پنکج بھگوترہ کر رہے تھے، نے ہفتہ کو جموں-پٹھانکوٹ اور جموں سری نگر قومی شاہراہ کے مختلف مقامات پر موٹر وہیکل ایکٹ، 1988 اور سینٹرل موٹر وہیکل رولز 1989کے تحت نظر آنے والے جرائم کی جانچ کے لیے خصوصی ناکے لگائے۔ تفصیلات کے مطابق صبح 2.00 بجے سے قومی شاہراہ پر مختلف مقامات پر انفورسمنٹ مہم چلائی گئی۔ 300 سے زیادہ گاڑیوں کی جانچ کی گئی اور 84 گاڑیوں کو 4.22 لاکھ روپے جرمانے کے ساتھ کمپاؤنڈ/چالان کیا گیا۔انفورسمنٹ ٹیم میں محمد سلیم اے آر ٹی او (ایچ کیو) جموں، تارا منی شرما، اے آر ٹی او (فلائنگ اسکواڈ)، موٹر وہیکل انسپکٹر راجیو کنڈل، انوپم گنڈوترا، رنجیو بھسین اور دیگر عملہ شامل تھا۔