ارشاد احمد

گاندربل// انسداد بدعنوانی بیورو نے وسطی ضلع گاندربل کے علاقہ ہتھ بورہ حلقہ کا پٹواری رشوت کا تقاضا کرتے اور لیتے ہوئے رنگے ہاتھوں گرفتار لیا گیا۔
انسداد بدعنوانی بیورو(اے سی بی)کے اعلیٰ حکام نے کشمیر عظمیٰ کو بتایا کہ ایک مخصوص شکایت ملنے کے بعد کاروائی عمل میں لائی گئی۔
اُنہوں نے بتایا کہ طارق احمد شاہ جو کہ پٹواری حلقہ ہتھبورہ گاندربل کے طور پر تعینات ہے کو انسداد بدعنوانی بیوروسرینگر کے اہلکاروں نے 50ہزار روپے رشوت وصول کرتے ہوئے رنگے ہاتھوں پکڑ لیا۔
انہوں نے مزید کہا کہ ایک شکایت کنندہ سے تحریری شکایت ملنے کے بعد یہ کارروائی انجام دیتے ہوئے ملزم پٹواری سے رقم آزاد گواہوں کی موجودگی میں موقع پر ہی برآمد کی گئی اور ملزم کو حراست میں لیا گیا۔