نئی دہلی// بحریہ کے سربراہ ایڈمرل آر ہری کمار نے آج کہا کہ بحری خطے میں امن اور استحکام ہند -بحرالکاہل خطے میں خوشحالی کے لیے بہت ضروری ہے اور ممالک کے درمیان باہمی تعاون اور رابطہ اس میں اہم کردار ادا کر سکتا ہے ۔بدھ کو یہاں بحریہ کی طرف سے منعقدہ ہند-بحرالکاہل علاقائی مذاکرات میں حصہ لیتے ہوئے ایڈمرل ہری کمار نے کہا کہ اگر ہم معمول سے متعلق سلامتی کی صورتحال اور خاص طور پر بحری تحفظ کی بات کریں تو روایتی تصادم کے امکانات سے انکار نہیں کیا جا سکتا اور ساتھ ہی ساتھ ضابطے پر مبنی نظام کے عمل کے سلسلے میں بھی خطرہ بڑھا ہے ۔ انہوں نے کہا کہ بحری خطہ میں دہشت گردی اور جدید ٹیکنالوجی کے بڑھنے سے بھی سیکورٹی کے ماحول کو بھی پیچیدہ بنا دیا ہے ۔ عالمی حالات کے سبب خطے میں علاقائی اور خطے سے باہر کے بحری سیکیورٹی فورسز کی موجودگی میں اضافہ ہوا ہے ۔ اس کے پیش نظر اس خطے کی اہمیت بڑھ گئی ہے اور یہ کہا جا سکتا ہے ہند-بحرالکاہل کی خوشحالی کے لیے ایک پرامن بحری خطہ ضروری ہے ۔ اس صورتحال سے نمٹنے کے لیے ضروری ہے کہ ملکوں کے درمیان تعاون اور رابطہ بڑھایا جائے ۔وزیر مملکت برائے دفاع اجے بھٹ نے بھی کہا کہ ہندوستان بدلتے ہوئے حالات میں خطرات کا مقابلہ کرنے کے لیے پوری طرح تیار ہے ۔ انہوں نے بحریہ خطے سے وابستہ مختلف معاملوں میں اپنی صلاحیت بڑھانے اور ہندوستان کی بحریہ روایات کو پھر سے مضبوط بنانے کی سمت میں کام کرنے کی ضرورت پر بھی زور دیا۔(یو این آئی)
