نیوز ڈیسک
سرینگر //اپنی پارٹی صدر سید الطاف بخاری نے کہا ہے کہ جموں و کشمیر میں منتخب حکومت بننے کے بعد لوگوں کی امنگوں کیخلاف لئے گئے تمام فیصلوں پر نظر ثانی ی جائے گی۔بخاری نے نامہ نگاروں سے بات چیت کرتے ہوئے ان ملازمین کے بارے میں پوچھے جانے پر، جنہیں در بار مو کے ایک حصہ کے طور پر جموں شفٹ ہونے کیلئے کہا گیا ہے،کہا کہ یہ لوگوں کی امنگوں کے خلاف لیا جانے والا آخری فیصلہ ہوسکتا ہے۔
انہوں نے مزید کہا کہ امید ہے کہ اگل سال نئی منتخب حکومت بنے گی اور ایسے تمام فیصلوں کو ترجیحی بنیادوں پر نظر ثانی کی جائے گی۔نیشنل کانفرنس صدر ڈاکٹر فاروق عبداللہ کی اس بیان پر رد عمل ظاہر کرتے ہوئے، جس میں انہوں نے عمر عبداللہ کے اسمبلی انتخابات میں حصہ نہ لینے کی بات کہی تھی، بخاری نے کہا کہ اگر سابق وزیر اعلیٰ نے اپنے کام کو مد نظر رکھتے ہوئے استعفیٰ دینے کا فیصلہ کیا ہے تو یہ اچھی اور قابل تعریف بات ہے۔انہوں نے مزید کہا عمر اور محبوبہ نے اپنی سیاسی اننگز کھل لی ہے اور انہوں نے لوگوں کو کئی ریلیف نہیں دیا،لہٰذا اگر انہوں نے چنائونہ لڑنے کا من بنایا ہے تو قابل تعریف بنات ہے۔ اس موقعہ پر حاجن علاقے کے کانگریس کے سابق ضلع صدر بانڈی پورہ امتیاز احمد پرے، ڈی ڈی سی ممبر فر جیل ڈار، بی ڈی سی ممبر غلام نبی گنائی نے اپنی پارٹی میں شمولیت اختیار کی۔
