غلام محمد+عازم جان
سوپور+بانڈی پورہ//پولیس نے ہفتہ کو کہا کہ انہوں نے سوپور علاقے میں لشکر طیبہ کے دو ملی ٹینٹوں کو اسلحہ اور گولہ بارود کے ساتھ گرفتار کیا ۔ایک بیان میں، پولیس ترجمان نے کہا کہ 4 نومبر کو شام کے اوقات میں سوپور پولیس نے 22 آر آر کے ساتھ شاہ فیصل مارکیٹ میں ایک تلاشی کا آغاز کیا ۔اس دوران بس اسٹینڈ سوپور سے شاہ فیصل مارکیٹ کی طرف آنے والے ایک نوجوان کی مشکوک حرکت نوٹ کی گئی جس کے ہاتھ میں ایک بیگ تھا اور بعد میں اسے رکنے کو کہا گیا لیکن اس نے موقع سے فرار ہونے کی کوشش کی۔ تاہم، اسے سیکورٹی فورسز نے حکمت کے ساتھ پکڑ لیا،” ۔مذکورہ بیگ کی تلاشی پر 1 پستول، 1 پستول میگزین، پستول کے کچھ راؤنڈز اور ایک دیسی ساختہ دھماکہ خیز مواد برآمد ہوا۔ ابتدائی پوچھ گچھ کے دوران اس نے اپنی شناخت رضوان مشتاق وانی ولد مشتاق احمد وانی ساکن ہمرے پٹن کے طور پر ظاہر کی۔پولیس کے مطابق”ابتدائی تفتیش سے یہ بات سامنے آئی ہے کہ گرفتار شخص کالعدم لشکر طیبہ کا ہائبرڈ ملی ٹینٹ ہے اور وہ غیر مقامی لوگوں، اقلیتوں، سیکورٹی فورسز اور پرامن شہریوں پر حملے کرنے کے موقع کی تلاش میں تھا۔”اس کیخلاف ایف آئی آر نمبر 250/2022 قانون کی متعلقہ دفعات کے تحت پولیس اسٹیشن سوپور میں درج کی گئی ۔مزید پوچھ گچھ پر، اس نے اپنے ایک اور ساتھی/ہائبرڈ ملی ٹینٹ جمیل احمد پرہ ولد حبیب اللہ پرہ ساکن تاپرپٹن، جسے بعد میں بارہمولہ پولیس کے ساتھ دیر گئے مزید برآمدگی کے ساتھ گرفتار کیا گیا۔پولیس کا مزید کہنا ہے کہپولیس کے علاوہ 13آر آر اور 45بٹالین سی آر پی ایف نے چک چندر گیر حاجن میں ملی ٹینٹوں کی نقل و حرکت دیکھی جس کے بعد ناکہ لگایا گیا اور راہگیروں کی جامہ تلاشی کا سلسلہ شروع کیا گیا۔اس دوران معراج الدین راتھر عرف ابو حنظلہ ولد منظور احمد راتھر ساکن ایس کے بالا حاجن کو گرفتار کر کے اسکی تحویل سے ایک گرینیڈ، اور 3اے کے رائو نڈس بر آمد کئے گئے۔اسکے خلاف کیس زیر نمبر 79/2022درج کیا گیا۔
