بانہال/محمد تسکین/ رام بن میں پولیس نے ایک کار سے قریب 10لاکھ روپے بر آمد کئے اور راجستھان کے چار لوگوں کو گرفتار کیا۔پولیس نے بتایا کہ رام بن میں سرینگر جموں شاہراہ پر پولیس پارٹی نے قریب 5بجے ناکہ چیکنگ کے دوران گرے رنگ کی ویگن آر رجسٹریشن نمبرK/0732 JK01 کو روکا جس پر سوار مسافروں کی مکمل چیکنگ کی گئی۔ گاڑی کی چیکنگ کے دوران رادھے شام ولد رچھپال سنگھ ساکن ویویکانند نگر سیکٹر 3 پشپا کالونی سونوا کی ڈونگری الور راجستھان کے بیگ سے ن9لاکھ ساٹھ ہزار (9,60,000/- روپے) برآمد ہوئے ،جو3 دیگر افراد کے ساتھ کار میں بیٹھا تھا۔ برآمد شدہ نقدی چوری ہونے کا شبہ ہے۔پوچھ گچھ پر، رادھے شام بھاری نقدی کے ذرائع کی تسلی بخش وضاحت کرنے سے قاصر تھے یعنی وہ اتنی بڑی نقدی کہاں سے لایا جس سے یہ شبہ پیدا ہوا کہ برآمد شدہ نقدی چوری ہو سکتی ہے یا دوسری صورت میں۔ برآمد شدہ نقدی موقع پر ضبط کر لی گئی۔ ضبط شدہ نقدی کے حوالے سے محکمہ انکم ٹیکس کو مطلع کر دیا گیا ہے کہ وہ برآمد شدہ نقدی کے ماخذ اور متعلقہ ٹیکس کی ذمہ داری کا پتہ لگائے۔ اس سلسلے میں، شکایت زیر نمبر 102/457 CrPC کو معزز عدالت میں پیش کیا جائے گا۔
