راجباغ، جواہر نگر علاقے میں ریچھ نمودار

نیوز ڈیسک
سرینگر// سرینگر کے جواہر نگر،راجباغ اور لال منڈی علاقوں میں ریچھنی اور اْس کے بچے کی موجودگی سے لوگوں میں خوف وہراس پھیل گیا ہے۔ریچھ نے ایک شہری کو حملے میں زخمی کردیا۔ وائلڈ لائف آفیسر رشید نقاش نے بتایا کہ ’مقامی لوگوں نے اطلاع دی کہ جواہر نگر اور اْس کے ملحقہ علاقوں میں درمیانی شب ایک ریچھنی اور اْس کے بچے کو دیکھا گیا جس کے بعد ٹیم کو علاقے کی اور روانہ کیا گیا۔‘انہوں نے بتایا کہ ریچھنی اور اْس کے بچے کو پکڑنے کی خاطر اقدامات اْٹھائے جارہے ہیں تاہم ابھی تک اْس کا کئی پر اتہ پتہ نہیں چل سکا۔ادھر اتوار کی صبح لال منڈی میں نجی اسکول میں بطور چوکیدار تعینات 40 سالہ فیاض احمد بٹ ساکن حبہ کدل پر ریچھ نے حملہ کردیا جس وجہ سے وہ شدید طورپر زخمی ہوا۔معلوم ہوا ہے کہ زخمی شخص کو علاج ومعالجہ کی خاطر صدر ہسپتال سری نگر منتقل کیا گیا جہاں پر اْس کی حالت مستحکم بتائی جارہی ہے۔ جواہر نگر اور راجباغ میں ریچھنی اور اْس کے بچے کی موجودگی کے بعد پولیس نے ایڈائزری جاری کرتے ہوئے کہاکہ لوگ گھروں میں ہی رہے۔انہوں نے ایڈوئزری میں بتایا کہ ریچھنی اور اْس کے بچے کو راجباغ اور اْس کے ملحقہ علاقوں میں دیکھا گیا جس کے پیش نظر لوگوں سے تلقین کی جاتی ہے کہ وہ گھروں سے باہر نہ آئیں۔پولیس نے عوا م الناس سے اپیل کی ہے اگر ریچھ کو کئی پر بھی دیکھا گیا تو اس بارے میں فوری طورپر نزدیکی پولیس تھانے کے ساتھ رابط قائم کریں۔