پرویز احمد
سرینگر //جموں صوبے میں 10دنوں کے بعد ایک شخص کورونا وائرس سے فوت ہوگیا ہے۔جموں و کشمیر میں متوفین کی مجموعی تعدادبڑھکر 4784ہوگئی ہے۔ اس دوران کورونا وائرس کی تشخیص کیلئے 9ہزار 255ٹیسٹ کئے گئے جن میں 67افراد کی رپورٹیں مثبت آئی ہیں۔ متاثرین کی مجموعی تعداد 4لاکھ 78ہزار562ہوگئی ہے۔ محکمہ صحت کی جانب سے فراہم کئے گئے اعداد و شمار کے مطابق جموں و کشمیر کے 9اضلاع میں کسی کی رپورٹ مثبت نہیں آئی ہے جبکہ دیگر 11اضلاع میں 67افراد کو مثبت قرار دیا گیا ہے۔ مثبت قرار دئے گئے 67افراد میں جموں صوبے میں10جبکہ کشمیر میں57افراد کی رپورٹیں مثبت آئی ہیں۔ کشمیر صوبے کے 3اضلاع میں کسی کی رپورٹ مثبت نہیں آئی ہے جن میں گاندربل، بانڈی پوری اور شوپیان شامل ہے جبکہ دیگر 7اضلاع میں57افراد کو مثبت قرار دیا گیا ہیجن میں سرینگر میں سب سے زیادہ 21، بارہمولہ میں 12، بڈگام میں11، پلوامہ میں 5، کپوارہ میں 2، اننت ناگ میں 2 جبکہ 4افراد کولگام میں متاثر ہوئے ہیں۔ کشمیر میں متاثرین کی مجموعی تعداد 3لاکھ 4ہزار 745ہوگئی ہے۔ اس دوران وادی میں مسلسل 7ویں دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 2433بنی ہوئی ہے۔ جموں صوبے کے 6اضلاع جن میں راجوری، ڈودہ،کشتواڑ، پونچھ، رام بن اور ریاسی میں کسی کی رپورٹ مثبت نہیں آئی ہے جبکہ دیگر 4اضلاع میں10افراد کو مثبت قرار دیا گیا ہے جن میں جموں میں 6، ادھمپور میں 1، کٹھوعہ میں2 جبکہ سانبہ میں ایک کی رپورٹ مثبت آئی ہے۔ جموں صوبے میں متاثرین کی مجموعی تعداد 1لاکھ 73ہزار 817ہوگئی ہے۔ اس دوران جموں صوبے میں 10دنوں کے بعد ایک شخص کورونا وائرس سے فوت ہوگیا ہے۔مرنے والے کا تعلق ضلع جموں سے ہے۔ متوفین کی مجموعی تعداد 2351ہوگئی ہے۔
ملک میں 6395متاثر
33اموات
نیوز ڈیسک
نئی دہلی //مرکزی وزارت صحت کے تازہ ترین اعداد و شمار کے مطابق، ہندوستان میں ایک ہی دن میں 6,395 نئے کورونا وائرس کے کیسز میں اضافہ دیکھا گیا، جس سے مجموعی تعداد 4,44,78,636 ہو گئی، جب کہ فعال کیسز کم ہو کر 50,342 ہو گئے۔33 اموات کے ساتھ مرنے والوں کی تعداد 5,28,090 تک پہنچ گئی ہے
