سرینگر//منکی پوکس میں عالمی سطح پر اضافہ کے بیچ ڈاکٹرس ایسوسی ایشن کشمیر نے کہا ہے کہ چیچک سے بچائو کے ٹیکے لگے افراد منکی پوکس سے بچ سکتے ہیں ۔ انہوں نے کہا کہ دہائیوں پہلے چیچک کی بیماری سے بچنے کیلئے ٹیکے لگائے جاتے تھے جو آج اس منکی پوکس سے لوگوں کو بچانے کا کام کرسکتا ہے ۔ ڈاکٹرس ایسوسی ایشن کشمیر نے پیر کے روز کہا کہ کئی دہائیوں قبل چیچک کے خلاف ٹیکے لگائے گئے بوڑھے بالغوں کو مونکی پوکس سے محفوظ رکھا سکتے ہیں۔ڈاک کے صدر اور انفلوئنزا کے ماہر ڈاکٹر نثار الحسن نے کہاکہ جن لوگوں کو 1980 میں اس کے بند ہونے سے پہلے چیچک کاٹیکہ لگایاگیاتھا، وہ اب بھی متعلقہ منکی پوکس کے وائرس سے کچھ تحفظ حاصل کر سکتے ہیں۔انہوں نے کہا کہ تحقیق سے پتا چلا ہے کہ جن لوگوں کو چیچک کے خلاف کئی دہائیوں پہلے ویکسین لگائی گئی تھی وہ بہت زیادہ اینٹی باڈیز اور وائرس کو بے اثر کرنے کی صلاحیت رکھتے ہیں۔
انہوں نے کہا کہ عالمی سطح پر اس بیماری کے خاتمے کے بعد 1980 میں چیچک کی معمول کی ویکسینیشن روک دی گئی تھی ۔ اس کا مطلب ہے کہ 42 سال سے کم عمر کے کسی بھی فرد کو یقینی طور پر چیچک کی ویکسین نہیں ملی۔منکی پاکس کی موجودہ وباء زیادہ تر نوجوان کو متاثر کر رہی ہے۔چیچک کے خلاف ویکسینیشن کئی مشاہداتی مطالعات کے ذریعے پایا گیا کہ منکی پاکس کے انفیکشن کو روکنے میں تقریباً 85 فیصد موثر ہے۔ڈنمارک کی ایک کمپنی، Bavarian Nordic چیچک کی ویکسین، Jynneos تیار کر رہی ہے جسے FDA نے منکی پاکس میں استعمال کرنے کی منظوری دی ہے۔اس وقت، مونکی پوکس سے عام لوگوں کو لاحق خطرہ اتنا زیادہ نہیں ہے کہ بڑے پیمانے پر ویکسینیشن شروع کی جائے۔کینیڈا، برطانیہ اور امریکہ سمیت دیگرممالک نے وائرس کے پھیلاؤ کو روکنے کے لیے رنگ ویکسینیشن نامی حکمت عملی شروع کر دی ہے۔رِنگ ویکسینیشن کا مطلب ہے متاثرہ افراد کے قریبی لوگوں کو ویکسین لگانا۔ویکسین کو علاج کے لیے بھی استعمال کیا جا سکتا ہے۔ اگر کوئی شخص متاثر ہو جاتا ہے تو، بیماری کے آغاز کو روکنے کے لئے علامات ظاہر ہونے کے 4 دن کے اندر ویکسین دیاجانا چاہئے۔اگرچہ ہندوستان میں کیسوں کی تعداد رنگ ویکسینیشن کی ضرورت کا جواز پیش نہیں کرتی ہے، لیکن جلد ہی دستیاب ویکسین کے لئے اقدامات اُٹھانا بہتر ہوسکتا ہے ۔
