پہلا صنعتی فٹ بال کپ ٹورنامنٹ | سوپور میں ہزاروں تماشائی لطف اندوز

غلام محمد
سوپور، // پہلا صنعتی فٹ بال کپ ٹورنامنٹ اتوار کو سوپور کے خوشحال اسٹیڈیم میں کھیلا گیا۔ٹورنامنٹ کا انعقاد انڈسٹریل اسٹیٹ نے جموں و کشمیر سپورٹس کونسل کے تعاون سے کیا تھا جس میں وادی کشمیر سے 48 فٹ بال ٹیموں/کلبوں نے ٹورنامنٹ میں حصہ لیا تھا۔ٹورنامنٹ کا افتتاحی میچ ARCO فٹبال کلب اور علی جانا فٹبال کلب کے درمیان کھیلا گیا، دونوں ٹیموں نے شروع سے ہی جارحانہ اور دفاعی کھیل کا مظاہرہ کیا اور دونوں ٹیمیں 2-2 گول کرنے میں کامیاب رہیں اور کھیل برابر کر دیا، تاہم ARCO جیت گئی۔ ہزاروں تماشائیوں نے روشنیوں کے نیچے ہونے والے اس ہائی وولٹیج فٹبال میچ کا خوب لطف اٹھایا۔