جموں//ڈوگرہ صدرسبھا نے ہرسال سرینگرسے جموں دربارمنتقل ہونے پر چھ ماہ کے لئے ڈوگرہ ہال اور رنیریشورمندرکے درمیان سڑک پرآمدورفت پرپابندی کے خلاف احتجاجی مظاہرہ کیا۔ اس دوران مظاہرین کی قیادت تنظیم کے چیئرمین وسابق وزیر گل چین سنگھ چاڑک کررہے تھے۔ مظاہرین سے خطاب کرتے ہوئے گل چین سنگھ چاڑک نے کہاکہ مذکورہ سڑک بندکرنے کی وجہ سے جموں کے لوگوں بالخصوص پیدل مسافروں، سیاحوں،خواتین ، سکولی بچوںوغیر ہ کوچھ ماہ تک سخت پریشانیوں کاسامناکرناپڑتاہے۔ انہوں نے سڑک کوبندکرنے کی مخالفت کرتے ہوئے اسے عوام کیلئے دردسرسے تعبیرکیا۔انہوں نے مزیدکہاکہ سرمائی راجدھانی میں جب بھی سیکریٹریٹ کھلتے ہیں تو ڈوگرہ ہال جموں اوررنبیریشورمندر کے درمیان سڑک پرآمدورفت (ٹریفک ) کے لئے بندکردی جاتی ہے۔ انہوں نے کہاکہ حکومت کے اس عوام دشمن قدم سے لوگوں کوسخت پریشانیوں کا سامنا کرنا پڑتا ہے۔انہوں نے کہاکہ سیکریٹریٹ کے آگے کی سڑک پرآمدورفت بندکرنے سے جموں شہر دوحصوں میں بٹ جاتاہے۔انہوں نے کہاکہ مذکورہ سڑک بندکرنے کی وجہ سے جموں شہرمیں ہرطرف ٹریفک جام لگ جاتاہے۔انہوں نے حکومت کی غلط پالیسی کااثرجموں شہرکی سیاحت پربھی منفی اثرپڑرہاہے۔ چاڑک نے حکومت سے مطالبہ کیاکہ سیکرٹریٹ کھلنے پر ڈوگرہ ہال جموںتارنبیریشورمندرسڑک پرآمدورفت بحال رکھی جائے۔اس دوران مظاہرین میںعبدالمجید، جی اے خواجہ، ایس پیٹر، جے ایس منگل ، حکومت سنگھ، پی ایس گپتا، پروفیسر این کے ڈوگرہ، جنک کھجوریہ ، مدن رنگیلا، گھمبیردیوسنگھ چاڑک ، جے ایس ببلی، پرشوتم تھاپانے بھی خیالات کااظہارکیا۔
ڈوگرہ ہال۔ رنیریشورمندرسڑک پرآمدورفت پابندی معاملہ
