گل لالہ سیلانیوں اور عام لوگوں کیلئے کھول دیا گیا

سرینگر//زبرون پہاڑوں کے دامن میں واقع ایشیاءکے سب سے بڑے گل لالہ باغ (ٹولپ گارڈن)کو ہفتے کے روز سیلانیوں اور عام لوگوں کیلئے کھول دیا گےا۔انتخابی ضابطہ اخلاق کی وجہ سے اس بار کسی بھی وزیر نے افتتاحی تقریب میں شرکت نہیں کی، البتہ محکمہ سیاحت اور جموں کشمیر بنک کے اعلیٰ حکام وہاں موجود تھے ۔اس بار ٹولپ گارڈن میں15روزہ فیسٹول کے تحت رقص و موسیقی اور شعر و شاعری کا اہتمام بھی کیا گیا ہے۔ وادی کشمیر میں سیاحوں کی توجہ کا مرکز اور ا یشیا کے سب سے بڑے ٹیولپ گارڈن (باغ گل لالہ ) کوسنیچر کے روز’سیاحوں اور عام لوگوں کے لئے کھول دیا گیا۔اس باغ میں امسال 48 اقسام کے 15 لاکھ گل لالہ پورے جوبن پر تھے۔ محکمہ پھولبانی کے ڈائریکٹر ایم حسین میر نے بتایا” امسال باغ گلہ لالہ سیاحوں کی سیر وتفریح کےلئے قریب ایک ماہ تک کھلا رکھا جائے گا،جبکہ امسال سیاحوں کی سیر کو مزید یادگار بنانے کے لئے باغ گل لالہ میں بہار کشمیر کے تحت کلچریل اکادمی کے اشتراک سے ایک 15 روزہ گل لالہ فیسٹول کا بھی انعقاد کیا گیا تھا ۔باغ گل لالہ میں منعقد ہونے والے 15 روزہ فیسٹول کے پروگراموں کی تفصیلات فراہم کرتے ہوئے کہا ’ محکمہ پھولبانی کے ڈائریکٹر ایم حسین میر نے بتایا کہ اس فیسٹول کے دوران محکمہ سیاحت اور دیگر محکمہ جات کے اشتراک سے وادی کی دستکاری مصنوعات اور پکوانوں کے اسٹال بھی لگائے گئے تھے‘۔ انہوں نے کہا کہ فیسٹول کے حاشیہ پر ایک عالمی مشاعرے کا انعقاد کیا جائے گا جس میں اردو کے معروف شعراءشرکت کریں گے اور یہ مشاعرہ اپنی نوعیت کا پہلا مشاعرہ ہوگا۔انہوں نے بتایا کہ توقع ہے کہ امسال 3 لاکھ سے زائدسیاح باغ گل لالہ کی سیر کے لئے آئیں گے۔انہوں نے کہا کہ باغ گلہ لالہ میں بالغ سیاحوں کےلئے 50 جب پانچ سال سے زائد عمر کے سیاحوں کے لئے20 روپیہ مقرر کیا گیا۔ٹیولپ گارڈن کے انچارج جاوید مسعود نے کشمیر عظمیٰ کو بتایا ”لاکھوں گل لالہ سیاحوں کے استقبال کیلئے تیار ہیں۔انہوں نے بتایاکہ باغ گل لالہ میں سرخ، پیلے ، سنتری، جامنی، سفید، گلابی، طوطے ، پیلے، دو رنگی اور سہ رنگی پھولوں نے پہلے ہی چاروں اطراف دھنک کے رنگوں کے دلکش نظارے بکھیردئے ہیں۔انہوں نے بتایا کہ گل لالہ کا پھول بہت ہی نازک ہونے کے ساتھ ساتھ اِس کی زندگی صرف 15 سے 17 دنوں پر ہی محیط ہوتی ہے۔ ما راشٹرا سے تعلق رکھنے والے 28 سالہ بگیشری نامی سیاح نے کہا ”کشمیر اس سے بھی زیادہ خوبصورت ہے جیسے ہمیں بتایا گیا تھا۔ اس موقع پر محکمہ سیاحت کے سیکریٹری فاروق احمد شاہ نے بتایا ” باغ گل لالہ میں امسال 48 اقسام کے 15 لاکھ گل لالہ اگائے گئے ۔انہوں نے بتایا”باغ گلہ لالہ کو امسال ملکی اور غیر ملکی سیاحوں کی ایک بڑی تعداد دیکھنے کے لئے متوقع ہے جس سے یہاں کے محکمہ سیاحت کو عالمی سطح پر فروغ ملے گا۔ اس موقعہ پر جموں وکشمیر بنک کے چیئرمین پرویز احمد نے وادی کے نوجوانوں کا حوصلہ بڑھاتے ہوئے کہا کہ محکمہ سیاحت میں نوجوانوں کے بہبود کےلئے اسکیمیں متعارف کی جائیں گئی تاکہ پڑھے لکھے بے روزگار نوجوانوں کو روزگار کے مواقعے فراہم ہوسکیں ۔انہوں نے کہا کہ محکمہ سیاحت میں بنیادی ڈھانچے کو بھی توسع دی جائے گئی۔