سرینگر//یاستی وزیراعلیٰ محبوبہ مفتی کی اس ہدایت پر کہ وہ ابھرتے صنعتکاروں کیلئے مفت مدد بہم رکھیں نیز ان کے پروضیکٹس کی منظوری کیلئے سنگل ونڈو کلیئرنس سسٹم قائم کریں ،کو عملی جامہ پہناتے ہوئے جے کے بنک نے آج ایک مکمل بزنس یونٹ اور ایک سیٹلائٹ آفس کا قیام شیر کشمیر ایمپلائمنٹ اینڈ ویلفیئر پروگرام فار یوتھ(SKEWPY)ڈٰیپارٹمنٹ جے کے آی ڈی آئی کمپلیکس میں عمل میں لایا.وزیراعلیٰ محبوبہ مفتی نے اس بزنس یونٹ اور سیٹلائٹ آفس کا افتتاح وزیر صنعت و تجارت چندر پرکاش ،وزیر مملکت برائے پی ایچ ای ،اری گیشن و فلد کنٹرول فاروق احمد اندرابی ،وزیر مملکت برائے جنگلات ،ماحولیات و،اینمل ہسبنڈری ظہور احمد میر،جے کے بنک چیئرمین و سی ای او پرویز احمد ،گلزار احمد وائس چیئرمین جے کے اندسٹریز اور ڈائریکٹر ای ڈی آئی محمد اسماعیل پرے کی موجودگی میں کیا۔اس موقعے پر بولتے ہوئے وزیراعلیٰ نے کہاکہ ایس کے ای ڈبلیو پی وائی شعبے میں شاخ اور سیٹلائٹ آفس کا قیام ابھرتے خواہشمند صنعتکاروں کو کافی سہولت فراہم کرے گا نیز انہیں ترقی ککے عمل میں ان کی کافی مدد کرے گا۔اس اقدام سے قرضوں کی افسٹ ٹریک بنیادوں پر منظوری میں مدد ملے گی جس سے ریاست میں صنعتکاری اور سٹارٹ اپ فائنانس میں اضافہ ہوگا.انہوں نے زور دے کر کہاکہ ریاستی حکومت اور جے کے بنک صنعتوں میں اپنی قسمت آزمانے والے نوجوانوں کا ہاتھ تھامنے کیلئے کاربند ہیں تاکہ وہ ان مشکلات سے نکل آئیں جس کا وہ سامنا کرتے ہیں۔انہوں نے مزید کہاکہ انہیں مکمل تیکنیکی و مالی مدد مختلف سکیموں کے تحت فراہم کرنے سے مجھے یقین ہے کہ جے کے بنک اور جے کے ای ڈی آئی نئے ابھرتے صنعتکاروں کو بااختیار بنانے میں سہل و آسان رول ادا کرے گا تاکہ وہ اپنے آمدن بخش یونٹ قائم کرسکیں ۔اس سے قبل چیئرمین و سی ای او پرویز احمد نے سینئر افسران کے ہمراہ اس بزنس یونٹ اور سیٹلائٹ آفس کے کام کاج کا جائزہ لیا جو ایس کے ای ڈبلیو پی وائی آفس میں قائم کئے گئے ہیں ۔چیئرمین نے عملے پر زور دیا کہ وہ نوجوان صنعتکاروں کو اپنے سٹارٹ اپ کمپنیوں کے قیام کیلئے بھر پور مدد کریں .چیئرمین جے کے بنک نے کہاکہ صنعتکاری کا جذبہ صرف روزگار کے مسئلے کا ہی حل نہیں ہے بلکہ اس جگہ کے مخصوص حالات میں رہ کر کام کرنے والوں کے مستقبل کا بھی رخ تعین کرنے کا اہم جز ہے ۔انہوں نے کہاکہ اگر ہم مستقبل کیلئے کامیاب تبدیلی کرتے ہیں تو خطرات کا بھی تدارک کیلئے ہمیں تیار رہنا ہوگا.انہوں نے کہاکہ بہتر و محفوظ مستقبل کیلئے جے کے بنک ہمیشہ جموں وکشمیر کے نوجوانوں کی بہتری کیلئے مکمل معاونت کیلئے پیش پیش ہے ۔انہوں نے کہاکہ یہاں سیٹالائٹ آفس قائم کرنے کا مقصد یہی ہے کہ ان کیسوں کی منظوری اور رقومات کی واگذاری میں مزید وقت نہ لگے.سرکاری سکیم ایس کے ای ڈبلیو پی وائی کے بارے میں مزید خلاصہ کرتے ہوئے چیئرمین نے کہاکہ سیڈ کیپٹل فنڈ سکیم کے تحت 10005کیسوں میں جو جے کے ای ڈی آئی کی رف سیڈ کیپٹل کیلئے بھیجے گئے ہیں ،میں سے 4380کیس نپٹائے گئے اور اس میں316کروڑ واگذار کئے گئے ۔انہوں نے کہاکہ اگرچہ ہماری طرف سے اس حوالے سے تاخیر نہیں ہورہی ہے تاہم ہم اس عمل میں مزید تیزی لائیں گے .یہ بات قابل ذکر ہے کہ جے کے ای ڈی آئی کمپلیکس میں سیٹالائٹ آفس کا قیام کیسوں کی تیز رفتاری کے ساتھ منظوری اور فائنانس کی واگذاری کی طرف اپنی توجہ مرکوز رکھے گی ۔اس موقعے پر ڈائریکٹر جے کے ای ڈی آئی ایم وائی پرے نے کہاکہ اب کیسوں کا نپٹارا زیادہ سرعت سے ہوگا کیوں کہ اب ای ڈی آئی اور جے کے بنک ایک ہی چھت کے نیچے کام کرے گا جس سے امیدواروں کو کافی راحت ملے گی .ڈویژنل کمشنر کشمیر بصیر احمد خان ،کمشنر سیکریٹری انڈسٹریز اینڈ کامرس شیلندر کمار ،جے کے بنک ایگزیکٹیو پیذیڈنٹ ایس ایس سہگل ،وہگیس چندر ،سینئر پریذیڈنٹ عبدالرشید ،پریذیڈنٹ عبدالرشید شگن ،زونل ہیڈ ،وائس پریذیڈنٹ ،کلسٹر ہیڈ اور دیگر بنک و سرکاری افسران بھی تقریب میں موجود تھے ۔
ای ڈی آئی کمپلیکس میں بزنس یونٹ اور سیٹلائٹ آفس کا افتتاح
