راجیہ کا تعطل ختم، ڈاکٹر سنگھ کی خدمات پر اعتراض کا وزیراعظم کا کوئی ارادہ نہیں تھا :جیٹلی

نئی دہلی// گجرات اسمبلی انتخابات کی مہم کے دوران وزیراعظم نریندر مودی کی طرف سے سابق وزیراعظم منموہن سنگھ کے خلاف ریمارک پر حکومت اور اپوزیشن کے درمیان راجیہ سبھا میں ایک ہفتے سے جاری تعطل آج ختم ہوگیا۔حکومت نے واضح کیا کہ وزیراعظم نریندر مودی نے جو کچھ کہا اس میں ڈاکٹر سنگھ اور سابق نائب صدر جمہوریہ حامد انصاری کی قوم کے تئیں خدمات پر اعتراض کرنے کا سوال اٹھانے کا کوئی ارادہ شامل نہیں تھا۔آج دوپہر میں ایوان بالا کی کارروائی شروع کرنے کے لئے اراکین جیسے ہی دوبارہ مجتمع ہوئے ، اپوزیشن لیڈر ارون جیٹلی نے کھڑے ہوکر اس سلسلے کا بیان پیش کیا۔ وزیر خزانہ نے کہا کہ ''پچھلے ہفتے کئی موقعو پر اپوزیشن لیڈر نے گجرات اور ہماچل پردیش اسمبلیوں کی انتخابی مہم کے دوران وزیراعظم کی تقریروں پر سوال اٹھایا۔ فریقین کی طرف سے الیکشن کے دوران کئی بیانا ت سامنے آئے ''۔مسٹر جیٹلی نے کہا کہ ''ہم یہ کہنا چاہیں گے کہ ڈاکٹر منموہن سنگھ اور سابق نائب صدر حامد انصاری نے قوم کی جو خدمت کی ہے ، اس پر اعتراض کرنے کا وزیراعظم کوئی ارادے نہیں رکھتے تھے ۔ اس تعلق سے جو تاثر قائم ہوا، وہ غلطی سے قائم ہوا تھا''۔