سرینگر//پولیس اور عوام کے مابین بہتر تال میل قائم رکھنے کیلئے خانیار اورشہیدگنج میں پولیس پبلک میٹنگوں کا انعقادکیا گیا ۔پولیس کی طرف سے جاری بیان میں کہا گیا ہے کہ پولیس کے جانب سے لوگوں کے ساتھ بہتر تال میل قائم رکھنے کی غرض سے پولیس اسٹیشن خانیارکے ایس ایچ او پرویز احمد کی صدارت میں پولیس کمنٹی پارٹنرشپ گروپ(پی سی پی جی ) میٹنگ کا انعقاد کیا گیا۔ میٹنگ میںمحلہ کمیٹی ،سیول سوسائٹی اورٹریڈ سے وابستہ لوگوں نے شرکت کی اور اپنے اپنے علاقوں کے مسائل کے علاوہ دیگر مسائل اُجاگر کئے ۔ایس ایچ او نے لوگوں کے مسائل کافی دلچسپی سے سُنے اور انہیں یقین دلایا کہ ان کے مسائل کو متعلقہ محکموں تک پہنچا یا جائے گا۔میٹنگ میں منشیات ،قمار بازی،پالتھن کے خلاف مہم و دیگر جرائم کے بارے میں بھی بات چیت ہوئی ۔اس موقعے پر ایس ڈی پی او خانیار بھی موجود تھے۔ادھرپولیس اسٹیشن شہید گنج میں ایس ڈی پی او کی نگرانی اور ایس ایچ اوشہید گنج تنویر احمد کی صدارت میں پو لیس کمنٹی پارٹنر شپ گروپ (پی سی پی جی)میٹنگ کا انعقادکیا ۔میٹنگ میں علاقے کے ذی عزت شہریوں نے شرکت کی اور اپنے اپنے علاقوںکے مسائل اجاگر کئیاورلوگوں نے پولیس کی جانب سے منشیات،قمار بازی و دیگر جرائم کے خلاف اٹھائے گئے اقدامات کے سراہنا کی۔
خانیار اورشہید گنج میں پولیس پبلک میٹنگوں کا انعقاد
