بھارتی فوج کی فائرنگ: پاکستانی شہری ہلاک، 3 زخمی

اسلام آباد //پاکستان نے کہا ہے کہ بھارتی فوج کی جانب سے لائن آف کنٹرول پر سیز فائر معاہدے کی خلاف ورزی کا سلسلہ جاری ہے اور بھارتی فوج کی بلا اشتعال فائرنگ کے نتیجے میں ایک شہری ہلاک جبکہ 3دیگر زخمی ہوئے۔ پاک فوج کے شعبہ تعلقات عامہ (آئی ایس پی آر) کے مطابق بھارتی فوج نے لائن آف کنٹرول پر نکیال سیکٹر کے گاؤں تھروٹی نار پر فائرنگ کی جس کے نتیجے میں ایک  شہری محمد فاروق ہلاک ہوگیا۔آئی ایس پی آر کے مطابق بھارتی فوج کی فائرنگ سے 3 شہری زخمی بھی ہوئے ،جنہیں طبی امداد کے لیے تحصیل ہیڈ کوارٹرز اسپتال نکیال منتقل کردیا گیا۔