گھریلورسوئی گیس سستا

 نئی دہلی// بغیر سبسڈی والا گھریلو رسوئی گیس سلنڈریکم مارچ سے 47 روپے اور سبسڈی والا سلنڈر 2.52 روپے سستا ہو گیا، جبکہ طیارہ ایندھن کا دام تقریبا ایک فیصد بڑھ گیا ہے ۔ سب سے بڑی تیل مارکیٹنگ کمپنی انڈین آئل نے بتایا کہ راجدھانی دہلی میں گھریلو استعمال کا 14.2 کلو گرام بغیر سبسڈی والا گھریلوگیس سلنڈر یکم مارچ سے 689 روپے کا ملے گا۔ پہلے اس کی قیمت 736 روپے تھی۔ گھریلو استعمال کے سبسڈی والا رسوئی گیس سلنڈریکم مارچ سے 495.63 روپے کی جگہ 493.09 روپے کا ملے گا۔ کاروباری استعمال والا 19 کلو گرام کا سلنڈر بھی 78.50 روپے سستا ہوا ہے ۔ اس کی قیمت 1،308.50 روپے سے گھٹ کر 1،230 روپے ہو گئی ہے ۔ہوائی جہاز کے لئے طیارہ ایندھن کی قیمتوں میں اضافہ کیا گیا ہے ۔ دہلی میں گھریلو ایئر لائنز کے لئے ایندھن 542 روپے فی کلولیٹر مہنگا ہو ا ہے ۔ آج سے اس کی قیمت 61،681 روپے فی کلولیٹر ہو گئی ہے ۔ پہلے یہ 61،139 روپے فی کلولیٹر تھی ۔