مظفر آباد//حزب المجاہدین نے کہا ہے کہ پروفیسر ڈاکٹر محمد رفیع بٹ، کمانڈر صدام پڈر، بلال احمد، عادل ملک اور توصیف احمد کی شہادتیں انتہائی تکلیف دہ اور ناقابل تلافی نقصان ہے، تاہم تاریخ گواہ ہے کہ اُن کے مقدس لہو کا ہر قطرہ ہزاروں ایسے ہی جانثاروں کو جنم دے گا۔ حزب سربراہ سید صلاح الدین کی صدارت میں کمانڈ کونسل اجلاس میںجاں بحق عسکریت پسندوں کو زبردست خراج عقیدت پیش کرتے ہوئے یقین کا اظہار کیا گیا کہ اُن کے خون کا ہر قطرہ ہزاروں عسکریت پسندوں کو جنم دے گا۔ اجلاس میں کہا گیا کہ پروفیسرڈاکٹر محمد رفیع بٹ نے صرف ایک روز پہلے حزب کی صفوں میں شمولیت اختیار کی تھی اور ثابت کیا کہ آزادی کی ایک دن کی زندگی غلامی کی سو سالہ زندگی سے بہتر ہے۔ اجلاس میں محسوس کیا گیاکہ بھارتی فورسز نے بے ضمیر اور زرخرید افراد پر مبنی ایک ایسا نیٹ ورک پوری ریاست میں قائم کیا ہے جو صرف اور صرف مخبری پر مامور ہیں۔ ایسے بے ضمیر اور ایمان فروش لوگوں کی موجودگی میں حد درجہ احتیاط برتنے کی ضرورت ہے۔ دوسری اہم بات یہ ہے کہ سیل فون کا استعمال بھی دشمن کوعسکریت پسندوں کی نقل و حرکت سے باخبر رکھتا ہے۔ اجلاس میںعسکریت پسندوں بالعموم اور حزب المجاہدین کیجوانوں کو بالخصوص تاکید کی گئی کہ احتیاط کا دامن تھام کر، دشمن اور اُس کے ایجنٹوں اور زرخرید مخبروں کی سازشوں سے ہر ممکنہ تدابیر احتیاط کریں۔ اجلاس میں کشمیری عوام کی عزم و ہمت کو زبردست خراج تحسین پیش کیا گیا اور کہا گیا کہ جہاں زندگی کے ہر شعبے سے تعلق رکھنے والے اعلیٰ تعلیم یافتہ، استاد، دانشور مزاحمت کار کا روپ دھار رہے ہوں، اُس قوم کو شکست دینا کسی صورت میں ممکن نہیں۔ اجلاس میں شہداء کی بلندیٔ درجات اور لواحقین کیلئے صبر جمیل کی دعا کی گئی۔
تحریک کو ناقابل تلافی نقصان, عسکریت پسند احتیاط برتیں :حزب
