بھارتی فوجی سربراہ کا بیان دوقومی نظریے کی حقیقت سے تعبیر:لشکر

  سرینگر//لشکر طیبہ کے چیف جموں کشمیر محمودشا ہ نے بھارتی آرمی چیف کے بیان کو دوقومی نظریے کی حقیقت سے تعبیر کرتے ہوئے کہاہے کہ’’ ہندوستان کا بٹوارہ دوقومی نظریہ کی بنیاد پر ہوا تھا مسئلہ کشمیر بھی اسی نظریے پر قائم ہے جبکہ اب یہ نظریہ مسئلہ ہندوستان بننے جارہاہے ۔انہوںنے کہا’ جہاں تک لڑنے کی بات ہے تو وہ ساری دنیا جان چکی ہے ہندوستانی فورسزپیشہ وارانہ صلاحیتوں سے عاری ہیں اورہماری مائوں بہنوں ، بیٹیوں کی عصمت دری کرتی ہیں ہمارے گھروں کوجلادیتی ہیں یہاں تک کہ ہمارے جانور بھی ان کے ظلم وستم سے محفوظ نہیں ہیں‘‘ ۔انہوں نے کہا’’اس سب کے باوجود ہم میدانوں میں کھڑے ہیں ستربرسوںسے دنیا کی سب سے  بڑی کائرفورسز کا مقابلہ کررہے ہیں ‘۔انہوں نے کہا ’تحریک آزادی کشمیر صرف کشمیر کی آزادی کادروازہ نہیں ہے بلکہ یہ ہندوستان کے مظلوموں کی آزادی کا پروانہ ہے اور آج مودی سرکار اس بات کو بخوبی سمجھ رہی ہے ۔جس طرح کشمیر میں بھارتی مظالم نے ہمیں لڑنے کو مجبورکیا آج بالکل اسی طرح ہندوستان کے مسلمانوں پر ظلم وستم جاری ہے اور بہت جلد وہ بھی ظلم کے خلاف کھڑے نظر آئیں گے‘ ۔