جموں// نائب صدر جمہوریہ ہند ایم وینکیا نائیڈو کے ایک روزہ دورہ جموں کے پیش نظر سرمائی دارالحکومت میں پولیس اور سیکورٹی اداروں کو ہائی الرٹ کردیا گیا ہے۔ نائیڈو 28 مئی کو جموں کا دورہ کرکے انڈین انسٹی چیوٹ آف انٹی گریٹیو میڈیسن (آئی آئی آئی ایم) کے ممتاز سائنسدانوں سے ملاقات کریں گے۔ پولیس نے بتایا ’جنرل بس اسٹینڈ جموں میں ہوئے حالیہ گرینیڈ حملے کے پیش نظر شہر میں سیکورٹی بڑھا دی گئی ہے جبکہ بعض مقامات پر چیک پوائنٹس بھی قائم کئے گئے ہیں‘۔پولیس نے بتایا کہ گرینیڈ حملے کے سلسلے میں اب تک قریب ایک درجن مشتبہ افراد کو حراست میں لیا جاچکا ہے جن سے پوچھ گچھ کا سلسلہ جاری ہے۔
نائب صدر جمہوریہ ہند کا دورہ جموں 28 مئی کو
