بیدار ہوئی ملت رمضانِ مبارک میں
شیطان ہوا رخصت رمضانِ مبارک میں
شکوہ نہ حبیبوں سے نفرت نہ رقیبوں سے
لگتی ہے زمیں جنت رمضانِ مبارک میں
اذکار کی مجلس ہے برکات کی بارش ہے
نصرت کی ہر اک ساعت رمضانِ مبارک میں
آباد ہے دنیا بھی ،آباد ہے عقبیٰ بھی
مومن کی ملی صحبت رمضانِ مبارک میں
رحمت ہے جہاں دیکھوں ،برکت ہے جہاں دیکھوں
ایسی ہے مری حالت رمضانِ مبارک میں
تقویٰ کے گلابوں کی ایمان کے پھولوں کی
ہر سو ہے یہاں نکہت رمضانِ مبارک میں
توحید کی مشعل سے روشن ہے یہاں گھر گھر
ایمان کی شہرت ہے رمضان مبارک میں
اشرف عادل ؔ
کشمیر یونیورسٹی حضرت بل سرینگر کشمیر
رابطہ 9906540315
ماہِ صیام
ہوگئے لمحے سہانے ماہ رمضان آگیا
کُھل گئے رب کے خزانے ماہِ رمضان آگیا
غرق ہیں محوِ عبادت تشنگی کے دشت میں
صوم و تقویٰ کے دِوانے ماہِ رمضان آگیا
فرقتوں کو مل گئے محبوبِ یزداں کے طفیل
وصل کے لاکھوں بہانے ماہِ رمضان آگیا
عطر سے لبریز ہیں ارض و سما کی وسعتیں
خوشبؤں کے تانے بانے ماہِ رمضان آگیا
بس درودوں کے سلاموں، فکر کے اذکار کے
چار سو ہیں شادیانے ماہِ رمضان آگیا
بخششوں کی یوں فراوانی ہے بھر دو جھولیاں
داغِ عصیاں ہے مٹانے ماہِ رمضان آگیا
ریگ زاروں میں بُلاتے ہیں علی شیدّاؔ تجھے
رحمتوں کے شامیانے ماہِ رمضان آگیا
علی شیدا ؔکاشمیری
نجدون نیپورہ اسلام آباد،
فون نمبر9419045087
ماہِ رمضاں آگیا
گیت رحمت کے سنانے ماہِ رمضاں آگیا
عاصیوں کو پھر جگانے ماہِ رمضاں آگیا
قید شیطاں کو کرانے ماہِ رمضاں آگیا
محفلِ روح کو سجانے ماہِ رمضاں آگیا
ماہِ رمضاں آگیا ہے ماہِ رمضاں آگیا
رحمتیں ہر سُولُٹانے ماہِ رمضاں آگیا
چل رہے تھے ہر طرف ہی یہ غموں کے سلسلے
شمع خوشیوں کی جلانے ماہِ رمضاں آگیا
ہوگئے تھے دور ہم تو دین سے، اسلام سے
بندوں کو رب سے ملانے ماہِ رمضاں آگیا
نارِ دوزخ سے ڈرانے آگیا پھر دوستو
جنتی ہم کو بنانے ماہِ رمضاں آگیا
روزہ رکھنے سے ہمیشہ ملتی ہے بسملؔ خوشی
دل سے ہر اک غم مٹانے ماہِ رمضاں آگیا
سید بسمل مرتضٰی
اننت ناگ کشمیر
طالب علم : ڈگری کالج اترسو شانگس
9596411285
