جاں بحق عسکریت پسندوں کو لشکر طیبہ کا خراج

 سرینگر// لشکر طیبہ چیف کمانڈر محمودشاہ نے آرونی کولگام میںجاں بحق ہونے والے لشکر طیبہ کے مزمل ماگرے ،عامر تانترے اور حزب المجاہدین کے اویس لون اورساحر ماکرو کے علاوہ کریری پٹن میں لشکر طیبہ کے عقیل رشید اورمہنازمیرکو خراج عقیدت پیش کرتے ہوئے کہاہے کہ عسکریت پسندوں نے 12گھنٹے تک ڈٹ کر فوج کا مقابلہ کیااور جرات و بہادری کی اعلیٰ مثال قائم کی۔ انہوںنے کہا کہ آج وادی کے ہر کونے میں بھارتی فوج کو مزاحمت کا سامنا ہے ،کہیںعسکریت پسندوں کے ساتھ اور کہیں پر ابابیل ،سنگباز وں کے ساتھ ۔ہندوستان ظلم و ستم کی نئی بدترین مثالیں قائم کرکے انسانیت کو شرمسار کررہاہے ۔عالمی برادری جس سردمہری اور بے حسی کا مظاہرہ کررہی ہے وہ تباہی کا پیش خیمہ ثابت ہوسکتاہے ۔اگر عوام کاصبر جواب دے گیا تو ہندوستان کے لیے تباہ کن ہوسکتاہے ۔انہوں نے مائوں ،بہنوں ،بیٹوں ،بیٹوں اور سنگبازوں کا دل کی گہرائیوں سے شکریہ اداکرتے ہوئے کہاہے کہ وہ تحریک آزادی کے اولین دستے ہیں ۔انہوںنے کہاکہ 27اکتوبر 1947دہشتگردی کا سیاہ باب ہے جس نے پورے خطے کا امن دائو پر لگارکھاہے ۔