نئی دہلی// کانگریس صدر راہل گاندھی نے اترپردیش کے دارالحکومت لکھنؤ میں کشمیری تاجروں کے ساتھ ہونے والی مارپیٹ کی مذمت کرتے ہوئے کہا کہ ملک میں اپنے شہریوں پر اس طرح کے حملے قابل مذمت ہیں۔ گاندھی نے جمعہ کو ٹویٹ کیا،‘ اتر پردیش میں کشمیری تاجروں کے مار پیٹ کرنے کی ویڈیو سے طبیعت مضمحل ہوگئی لیکن میں حملہ آروں کا بہادری سے مقابلہ کرنے والوں کے حوصلے کو سلام پیش کرتا ہوں۔ ہندوستان کے کسی بھی حصے میں بسنے والے افراد ہندوستانی شہری ہیں۔ ہمارے کشمیری بھائی بہنوں کے خلاف ہونے والے تشدد کی میں سخت مذمت کرتا ہوں’۔ ساتھ ہی انہوں نے ایک ویڈیو بھی پوسٹ کی جس میں بھگوا لباس پہنے کچھ افراد کشمیری تاجروں کی لاٹھی ڈنڈوں سے پٹائی کر رہے ہیں۔
مار پیٹ قابل مذمت:راہل
