سرینگر/شمالی کشمیر کے ڈانگر پورہ سوپور میں جمعرات کوفورسز اور جنگجوئوں کے مابین مسلح تصادم آرائی شروع ہوگئی ۔
اطلاعات کے مطابق فوج، سی آر پی ایف اور ایس او جی اہلکاروں کی مشترکہ ٹیم نے ضلع بارہمولہ میںسوپور کے ڈانگر پورہ علاقے کو محاصرے میں لیکر گھر گھرتلاشی آپریشن شروع کیا۔
ذرائع کے مطابق یہ آپریشن آج صبح علاقے میں جنگجوئوں کی موجودگی کی مصدقہ اطلاع کے بعد ہاتھ میں لیا گیا ۔
اس دوران کئی گھنٹوں کی تلاشی کے بعد چھپے جنگجوئوں نے فورسز پارٹی پر فائرنگ کی جس کے جواب میں فورسز نے بھی گولیائیں چلائیں اور یوں وہاں معرکہ آرائی شروع ہوگئی۔
علاقے میں فورسز کی بھاری تعداد تعینات کی گئی ہے جبکہ حکام نے موبائیل انٹرنیٹ سروس معطل کردی ہے۔
آخری اطلاعات ملنے تک طرفین میں گولیوں کا تبادلہ جاری تھا۔
