سری نگر// شمالی کشمیر میں ضلع کپوارہ کے ٹنگڈار سیکٹر میں لائن آف کنٹرول پر منگل کی صبح ہندوستان اور پاکستان کی افوج کے درمیان گولہ باری کا تبادلہ ہوا تاہم کسی بھی جانب کسی جانی یا مالی نقصان کی کوئی اطلاع نہیں ہے۔
سرکاری ذرائع نے بتایا کہ ٹنگڈار سیکٹر میں ایل او سی پر پاکستانی فوج نے ہندوستانی چوکیوں کو نشانہ بنا کر بلا اشتعال فائرنگ شروع کردی۔
دفاعی ترجمان کرنل راجیش کالیا نے واقعہ کی تصدیق کرتے ہوئے کہا کہ پاکستانی فوج نے ٹنگڈار سیکٹر میں ایل او سی پر بلا کسی اشتعال کے ہندوستانی چوکیوں کو نشانہ بنا کر گولہ باری اور دوسرے ہتھیاروں سے فائرنگ شروع کردی جس کا بھارتی افواج نے مو¿ثر جواب دیا۔
