سری نگر// شمالی کشمیر کے ضلع کپوارہ کے نوگام سیکٹر میں لائن آف کنٹرول پر گذشتہ رات دیر گئے ہندوستان اور پاکستان کی فوج کے درمیان گولہ باری کا تبادلہ ہوا تاہم کسی بھی جانب سے کسی جانی یا مالی نقصان کی کوئی اطلاع نہیں ہے۔
دفاعی ترجمان کرنل راجیش کالیا نے بتایا کہ نوگام سیکٹر میں ایل او سی پر منگل کی رات دیر گئے پاکستانی فوج نے بلا کسی اشتعال کے ہندوستانی چوکیوں کو نشانہ بناکر گولہ باری اور دوسرے ہتھیاروں سے فائرنگ شروع کردی۔
انہوں نے کہا کہ وہاں تعینات بھارتی فوجی اہلکاروں نے اس حملے کا’ موثر‘ جواب دیا۔
