مزید خبرں

 

سرینگر//سرینگر پولیس نے سماجی بدعات کے خلاف اپنی مہم جاری رکھتے ہوئے نوہٹہ میں ایس ایچ او کی قیادت میں پولیس ٹیم نے شیش باغ قبرستان میں قمار بازوں کے اڈے پر چھاپہ ڈال کر وہاں تین جواریوںنثار احمد گنائی ، فاروق احمداور فاروق احمد گنائی ساکناں نرورہ کی گرفتاری عمل میں لاکر اُن کے قبضے سے 12020 روپیہ کی رقم اور تاش کے پتے برآمد کرکے ضبط کئے ۔ پولیس نے اس سلسلے میںکیس زیر ایف آئی آر نمبر  28/2020  متعلقہ دفعات کے تحت درج کیا۔ پولیس نے عوام الناس سے گزارش کی ہے کہ سماج میں پھیلی برائیوں کو قلع قمع کرنے کیلئے پولیس کو اپنا دست تعاون پیش کریں تاکہ تمام طرح کے سماجی بدعات کو جڑ سے اکھاڑ پھینک دیا جاسکے۔

 

پارٹی کا اظہارِ تعزیت

 

سرینگر// نیشنل کانفرنس کے جنرل سکریٹری علی محمد ساگراور صوبائی صدر ناصر اسلم وانی نے یوتھ نیشنل کانفرنس کے کنوینئر تنویر احمد بٹ ساکن شاہ محلہ نواب بازار کی پارسا اور نیک سیرت والدہ نسبتی(اہلیہ محترمہ مرحوم غلام قادر پوش) کے انتقال پر گہرے صدمے کا اظہار کیا ہے اور اس سانحہ ارتحال پر مرحومہ کے جملہ سوگوران کیساتھ دلی تعزیت کا اظہار کیا ہے۔ انہوں نے مرحومہ کی جنت نشینی اور بلند درجات کیلئے دعا کی۔ پارٹی کے سینئر لیڈر پیر آفاق احمد، صوبائی یوتھ صدر سلمان علی ساگر، یوتھ لیڈران مبارک گل اور احسان پردیسی نے بھی تعزیت کا اظہا رکیا ہے۔