سرینگر//جنگجوﺅں اور سیکورٹی فورسز کے مابین ہفتے کی صبح شہر سرینگر کے مضافاتی علاقہ رنبیر گڑھ میں جو معرکہ آرائی شروع ہوگئی اُس میں 2 جنگجو جاں بحق ہوگئے ہیں، جبکہ فورسز کاآپریشن جاری ہے۔
نیوز ایجنسی جی این ایس نے آئی جی کشمیر وجے کمار کا حوالہ دیتے ہوئے لکھا ہے کہ جو دوجنگجو جاں بحق ہوئے اُن کی شناخت ابھی نہیں ہوئی ہے۔
پولیس نے پہلے ایک جنگجو کی تصدیق کی تھی جس کے بعد اب دوسرے جنگجو کی ہلاکت کی بھی تصدیق کی گئی۔
اس سے قبل پولیس اور فوج نے ایک مشترکہ کارروائی عمل میں لاتے ہوئے رنبیر گڑھ کا محاصرہ کیا اور تلاشی آپریشن کا آغاز کیا۔یہ آپریشن علاقے میں جنگجوﺅں کی موجودگی کی مصدقہ اطلاع کے بعد شروع کیا گیا ۔
نیوز ایجنسی جی این ایس کے مطابق معرکہ آرائی کے آغاز میں ہی ایک فوجی اہلکار گولی لگنے سے زخمی ہوگیا جس کو فوج کے92بیس اسپتال منتقل کیا گیا ہے۔
