نئی دہلی// مرکزی وزیر داخلہ امت شاہ کو گذشتہ شب دیر گئے آل انڈیا انسٹی ٹیوٹ آف میڈیکل سائنسز (ایمز) میں داخل کرایا گیا۔
ایمز کی جانب سے منگل کی صبح جاری ہیلتھ بلیٹن میں کہا گیاہے ”وزیر داخلہ کو کوڈ 19 کے بعد کی نگرانی کے لئے داخل کرایا گیا ہے۔ وہ ٹھیک محسوس کررہے ہیں اور اسپتال سے اپنا کام جاری رکھے ہوئے ہیں۔“
14 اگست کو کووڈ19 کی رپورٹ منفی آنے کے بعد انہیں گروگرام کے میدانتا اسپتال سے چھٹی ملی تھی۔
شاہ کو دو بجے کے قریب ایمز کے پرانے پرائیویٹ وارڈ میں داخل کرایا گیا ۔ان کا علاج ایمز کے ڈائریکٹر،ڈاکٹررندیپ گلیریا کی نگرانی میں ہورہاہے۔
یادرہے وزیر داخلہ 2 اگست کو کورونا وائرس سے متاثر ہوئے تھے۔
