بھاجپانے جموں کیلئے ریاست کا وعدہ کیا

 جموں // نیشنل کانفرنس کے صوبائی صدر مسٹر دیویندر سنگھ رانا نے جموں کے اعزاز ، فخر اور امنگوں کے ساتھ سمجھوتہ کرنے پر بی جے پی کی  مذمت کرتے ہوئے کہا کہ بی جے پی کے تمام وعدے دھوکہ دہی ثابت ہوئے،جس سے لوگوں کو دو مرکزی علاقوں میں دوسرے طبقے کے شہری کا احساس ہو گیا ہے۔انہوں نے  یہاں مڈیییا سے مخاطب ہوتے ہوئے پوچھا ہے کہ جموں کے لئے ریاست کے وعدے کاکیا ہوا ، جس کی عوام کو اپنی خواہشات پورا کرنے کے لئے بی جے پی نے یقین دہانی کرائی تھی کیونکہ پارٹی کے مطابق ، انہوں نے محسوس کیا کہ انہیں حکمرانی میں اپنا مناسب حصہ نہیں ملا ہے۔انہوں نے کہا ، کہ اس کے بدلے میں جموں کے عوام کو نظرانداز کیا گیا اور یہاں تک کہ انہیں بنیادی سہولیات سے بھی محروم رکھا گیا۔ انہوں نے افسوس کا اظہار کیا کہ جموں کے لوگوں کے ساتھ ایسا سلوک کیا جارہا ہے جیسے وہ  دوسرے درجہ کے شہری ہوں۔رانا نے ڈوگروں کو ریاست جموں و کشمیر کا معمار قرار دیتے ہوئے افسوس کا اظہار کیا کہ انہیں نظرانداز کیا جارہا ہے اور انہیں دوسرے درجہ پرپہنچایا گیا ہے۔ انہوں نے کہا کہ اس سے لوگوں میں غصہ ، عدم اطمینان اور مایوسی پیدا ہوئی ہے ، جسے حکمرانی کی لگام رکھنے والوں کو سمجھنے اور ان سے نمٹنے کی ضرورت ہے ۔ انہوں نے جموں کے ساتھ بی جے پی کے کئے گئے ادھورے وعدوں کا حوالہ دیا۔